काठमाडौं । कोरोना भाइसको संक्रमणका कारण सबैभन्दा धेरै अमेरिकामा ज्यान गइरहेको छ । पछिल्लो २४ घण्टामा अमेरिकामा मात्रै २ हजार ७८२ जनाको ज्यान गएको छ । २४ घण्टामा विश्वभर ७ हजार २२ को मृत्यु हुँदा अमेरिकामा मात्रै २ हजार ७८२ जनाको ज्यान गएको हो ।

यस्तै पछिल्लो २४ घण्टामा बेलायतमा ८२८, इटलीमा ५३४, फ्रान्समा ५३१, स्पेनमा ४३० तथा जर्मनीमा २२४ को ज्यान गएको छ ।

२४ घण्टामा विश्वभर ७४ हजार ४७९ कोरोनाका नयाँ संक्रमितको पहिचान हुँदा अमेरिकामा मात्रै २५ हजार ६०७ कोरोना संक्रमितको पहिचान भएको छ ।

अहिलेसम्म विश्वभर कोरोनाका कारण १ लाख ७७ हजार ४१९ जनाको ज्यान गइसकेको छ ।

नेपालमा भने कोरोनाका कारण अहिलेसम्म कसैले पनि ज्यान गुमाउनु परेको छैन । जम्मा ४२ जनामा संक्रमण देखिएको छ । यसमध्ये ४ जना निको भएर घर फर्किसकेका र बाँकीको उपचार भइरहेको तथा अवस्था सामान्य रहेको स्वास्थ्य मन्त्रालयले जनाएको छ ।