काठमाडौं । नेपाली खेलाडीहरुले जारी १३ औं साग खेलकुदमा तहल्का मच्चाउन सुरु गर्दा महिला क्रिकेटमा पनि दमदार प्रदर्शन गरेको छ ।नेपालले माल्दिभ्समाथि १० विकेटको जित निकालेको छ । मात्र १७ रनको लक्ष्य पक्ष्याएको लक्ष्य नेपालले सो लक्ष्य मात्र ५ बलमा पूरा गरेर जित हात पारेको हो ।

यसअघि पहिले ब्याटिङ गरेको माल्दिभ्सले कमजोर प्रदर्शन गरेको थियो । नेपालमा आइपुगेपछि एउटा अभ्यास खेल खेलेको माल्दिभ्सका कुनैपनि खेलाडीले दोहोरो अंकमा आफुलाई उभ्याउन सकेनन ।

माल्दिभ्स विरुद्ध अञ्जली चन्दले महिला क्रिकेटमा कीर्तिमानी बलिङ प्रदर्शन गरिन । उनले माल्दिभ्स विरुद्ध एक रन पनि नदिदा ६ विकेट लिएर नयाँ कीर्तिमान बनाउन सफल भएकी हुन् । अञ्जलीले पहिलो ओभरमा मेडन राख्दै तीन विकेट लिएकी थिइन भने दोस्रो ओभरमा पनि एक रन पनि दिइनन । तेस्रो ओभरमा थप एक विकेट लिइन । जसका कारण उनले महिला क्रिकेटमा कीर्तिमान कोर्न सफल भइन ।

यसअघि कम रन दिएर धेरै विकेट लिने कीर्तिमान मलेसियाकी मास एलिसाको नाममा अंकित थियो । एलिसाले चीन विरुद्धको खेलमा चरा ओभरमा एक मेडन राख्दै तीन रन दिएर ६ विकेट लिएकी थिइन । अब नेपालले बुधबार बंगलादेश र शुक्रबार श्रीलंकासँग खेल्नेछ ।