काठमाडौं । नेपाली कांग्रेसले कात्तिक ७ गते केन्द्रीय कार्यसमितिको बैठक बोलाएको छ ।

पार्टी केन्द्रीय कार्यालय सानेपामा दिउँसो २ बजेका लागि बोलाइएको केन्द्रीय समिति बैठकमा आशन्न उपनिर्वाचनका विषयमा छलफल हुने छ ।

कांग्रेसका मुख्य सचिव कृष्णप्रसाद पौडेलले आगामी मंसिर १४ गते हुन गइरहेको उपनिर्वाचनका सन्दर्भमा बैठकमा छलफल हुने जानकारी दिए ।

उनले बैठकमा केन्द्रीय कार्यसमितिका पदाधिकारी, केन्द्रीय सदस्यहरु र आमन्त्रित केन्द्रीय सदस्यहरुलाई उपस्थितिका लागि आग्रह गरिएको बताए ।