एजेन्सी । युभेन्ट्सले इटालियन सिरी ‘ए’ मा रोमाञ्चक जित निकलोको छ । शनिबार राति भएको खेलमा युभेन्ट्सले नापोलीलाई ४–३ गोल अन्तरले पराजित गरेको हो । युभेन्ट्सको घरेलु मैदानमा भएको खेलमा घरेलु टोलीलाई जित दिलाउन ड्यानिलो शिल्भाले खेलको १६ औँ मिनेटमा गोल गर्दै सुरुवाती अग्रता दिलाए । उनी भर्खरै मात्र प्रिमियर लिग क्लब म्यान्चेस्टर सिटीबाट युभेन्ट्समा अनुबन्धन भएका थिए ।
त्यस्तै खेलको १९ औँ मिनेटमा टमा गोन्जालो हिग्युनले गोल गर्दै घरेलु टोलीको अग्रतालाई दोब्बर बनाए । निकै नै प्रतिस्पर्धात्मक खेलको ६२ औँ मिनेटमा क्रिस्टियानो रोनाल्डोले गोल गर्दै युभेन्ट्सलाई ३–० अग्रता दिलाए ।
त्यसपछि नापोलीले खेलमा उत्कृष्ट पुनरागमन गर्यो । नापोलीका लागि खेलको ६६ औँ मिनेटमा कोस्टार मनोलासले गोल गर्दै नापोलीलाई केही राहत दिलाए । त्यसपछि खेलको हार्भिन्ज लोजानोले गोल गर्दै नापोलीलाई बराबरी गर्ने अवसर शिर्जना गरे । ८१ औँ मिनेटमा डी लोरेन्जोले गोल गर्दै युभेन्ट्सलाई ३–३ गोलको बराबरी मा पुगाए । यता युभेन्ट्सले खेलको इन्ज्यूरी समयमा आत्मघारी गोलको सहयोगमा ४–३ गोलको जित दर्ता गर्यो ।
जितसँगै शीर्ष स्थानको युभेन्ट्सले दुई खेलबाट ६ अंक जोडेको छ । नापोली दुई खेलबाट ३ अंकसहित आठौं स्थानमा रहेको छ ।
