जनकपुरधाम । धनुषा र सिरहा जोडने हुलाकी राजमार्ग अन्तर्गतको भत्केको कमला पूलबाट एक युवक मोटरसाईक लिएर खसेपछि सख्त गम्भिर घाईते भएका छन् ।

मँगलबार अपरान्ह धनुषाबाट सिरहा जाने क्रममा भाँसिएको कमला पूलबाट मोटरसाईकल पार गर्न खोज्दा मोटरसाईकलसहित खसेको प्रत्यक्षदर्शीहरुले जनाएका छन् । सो क्रममा उनको टाउकोमा गम्भिर चोट लागेको प्रहरीले जनाएको छ ।

घाईते हुनेमा सिरहा नगरपालिका वडा नम्बर १० नरहैया बस्ने लाटे कामतिका छोरा वर्ष ३५ को सुरेन्द्र कामति रहेका छन । धनुषा बाट सिरहा आउने क्रममा कमलाको भत्केको कमला पुलमा अचानक लडेर घाईते भएका छन ।

घाईते कामतीको प्रादेशिक अस्पताल सिरहामा उपचार गराई थप उपचारको लागि विराटनगर रिफर गरिएको सिरहा नगर प्रहरीका ईन्चार्ज विश्व बुढाथोकीले जानकारी दिए ।