एजेन्सी । युरो कप छनोटमा ईटालीले जित निकालेको छ । जितसँगै ईटाली २०२० हुने युरोकपमा छनोट भएको हो । शनिबार राति भएको खेलमा ईटालीले ग्रिकलाई २–० गोल अन्तरले पराजित गर्दै युरो कपमा स्थान पक्का गरेको हो ।

ईटालीलाई जित दिलाउन खेलको ६३ औँ मिनेटमा जोर्गिन्होले पेनाल्टी मार्फत गोल गर्र्दै ईटालीलाई सुरुआती अग्रता दिलाएका थिए । त्यस्तै खेलको ७८ औँ मिनेटमा फेडेरिको बर्नार्डेस्कीले गोल गर्दै ईटालीलाई जित दिलाए ।
जितसँगै समूह जी को इटालीले ७ खेलबाट २१ अंक जोडेको छ । पराजित ग्रिकको पाँच अंक रहेको छ ।