काठमाडौं । नेपालसहित पाँच राष्ट्र सम्मिलित टी–ट्वान्टी अन्तर्राष्ट्रिय क्रिकेट सिरिज ओमानमा आजबाट सुुरु भएको छ । ओमानले आयोजना गरेको सिरिजमा आयोजक ओमानसँगै नेपाल, टेष्ट मान्यताप्राप्त राष्ट्र आयरल्याण्ड, हङकङ र नेदरल्याण्डबीच प्रतिस्पर्धा हुनेछ ।

नेपालले पहिलो खेल हङकङसँग असोज १९ गते (भोलि) खेल्नेछ । नेपाली समयअनुसार हङकङविरुद्धको खेल बिहान ४ः१५ बजे सुरु हुनेछ ।

यस्तै आइतबार राति नै दोस्रो खेल नेदरल्याण्डसँग हुनेछ । तेस्रो खेलमा आयरल्याण्डसँग असोज २२ र अन्तिम खेलमा नेपालले ओमानसँग असोज २३ गते खेल्नेछ ।

युएईमा आयोजना हुने आईसीसी टी–ट्वान्टी विश्वकपको ग्लोबल छनोटको तयारीस्वरुप ओमानले पाँच राष्ट्रबीचको सिरिज आयोजना गरेको हो । सिरिजको पहिलो दिन आज घरेलु टोली ओमान र हङकङ तथा आयरल्याण्ड र नेदरल्याण्डबीच प्रतिस्पर्धा हुँदैछ ।