वीरगन्ज | पर्सामा हालसम्म ८५ कोरोना संक्रमितको संख्या, प्रदेश २ मा १०० नाघेको छ | प्रदेश नं २ मा कोरोना भाइरसबाट संक्रमित हुनेको संख्या एक सय नाघेको छ ।

बिहिबार बिहान मात्रै सर्लाही, धनुषा र महोत्तरीमा थप ५ जनामा संक्रमण देखिएसँगै संक्रमितको संख्या १०३ पुगेको स्वास्थ्य मन्त्रालयले जनाएको छ ।

प्रदेश २ को आठ जिल्लामध्ये सात जिल्लामा संक्रमण देखिएको छ । सिरहामा भने अहिलेसम्म संक्रमण फेला परेको छैन ।

हालसम्म पर्सामा ८५, बारामा ३, धनुषामा ५, रौतहटमा ३, महोत्तरीमा ४, सर्लाहीमा २ र सप्तरीमा १ जनामा कोरोना संक्रमण पुष्टि भएको मन्त्रालयले जनाएको छ ।

प्रदेश नम्बर २ मा सबैभन्दा पहिले पर्साको वीरगन्जमा कोरोनाको पहिलो केस देखिएको थियो ।