वीरगंज | लालबाबु सिंह | लायन्स क्लब अफ वीरगंज मेट्रो सिटीले वीरगंजको त्रिजुद्ध स्कूलमा रहेका दृष्टिविहिन विद्यार्थीहरूको लागि “स्वच्छता र कपाल काट्ने कार्यक्रम” सम्पन्न गरेको छ।
“Cleanliness Builds Confidence, A Fresh Look Brings Joy” भन्ने नाराका साथ सोमबार भएको कार्यक्रममा विद्यार्थीहरूलाई व्यक्तिगत सरसफाईको महत्वबारे जानकारी गराइएको थियो। सोही अवसरमा 18 विद्यार्थीहरूको निःशुल्क कपाल काट्ने सेवा पनि प्रदान गरिएको थियो।
कार्यक्रम लायन्स क्लब अफ वीरगंज मेट्रो सिटीका अध्यक्ष लायन पिया सिंहको अध्यक्ष आयोजनामा सम्पन्न भएको हो।
क्लबले “We Serve | We Care | We Empower” को भावनासाथ समाजमा रहेका विपन्न तथा विशेष आवश्यकता भएका वर्गको सेवामा निरन्तर काम गर्दै आएको अध्यक्ष सिंहले बताउनुभयो। उहाँका अनुसार स्वच्छताले आत्मविश्वास बढाउँछ र सफा सुन्दर रूपले खुशी ल्याउँछ।
कार्यक्रममा क्लबकी अध्यक्ष लायन पिया सिंह, महेश साह कानु, प्रविण पराजुली, पत्रकार लालबाबु सिंह र काँचनजंगा स्कूलका निर्देशक मार्टिन मोक्तान,
सचिव लायन नेल्सन भण्डारी, सह-सचिव लायन प्रसिद्धि सिंह, पूर्व अध्यक्ष उमेश कुमार गुप्ता सहित सदस्यहरू श्रुति गुप्ता, श्वेता गुप्ता र संजना बरनवालको सहभागिता रहेको थियो।
कार्यक्रमलाई सफल बनाउन विभिन्न ब्युटी पार्लरका विज्ञहरू प्रतिमा साह, संगीता गिरी – क्वीन ब्युटी पार्लर, सिमा साह – दुर्गा ब्युटी पार्लर, सावित्री श्रेष्ठ – क्वीन ब्युटी पार्लर र आयुषी बरनवालले प्राविधिक सहयोग गर्नुभएको थियो।
क्लबले दृष्टिविहिन विद्यार्थीहरू लाई लक्षित गरी आयोजना गरेको उक्त कार्यक्रममा विद्यार्थीहरूको व्यक्तिगत स्वच्छताका बारेमा जानकारी गराउनुका साथै निःशुल्क कपाल काट्ने सेवा प्रदान गरिएको थियो।
