चितवन । रसुवाको भोटेकोसी बाढी–पहिरोमा परी ज्यान गुमाएकामध्ये चितवनमा आज थप २५ जनाको शव संकलन गरिएको छ। बाढी–पहिरोमा परी बेपत्ता तथा मृत्यु भएकाहरूको खोजी तथा उद्धारका क्रममा संकलन गरिएका शवलाई भरतपुरमा ल्याएर पहिचानको प्रक्रिया अघि बढाइएको हो

हिजोसम्म संकलन भएका १ब्यवसायीसंघ चितवनका महासचिव कृष्ण महतो जानकारी दिनु भयो ।
७८ वटा शवलाई भरतपुरस्थित उद्योग संघको हलमा राखिएको छ। आफन्तबाट शवको पहिचान गर्न सहज होस् भनेर शवको फोटो डिस्प्ले गरी देखाउने व्यवस्था गरिएको छ। हालसम्म दुई वटा शवको पहिचान भइसकेको जिल्ला प्रहरी कार्यालय चितवनले जनाएको छ।

जिल्ला प्रहरी कार्यालय चितवनका प्रमुख एसपी रामेश्वर पौडेलका अनुसार बाढी–पहिरो गएको दुई–तीन दिन भइसकेकाले कतिपय शवको अवस्था बिग्रिएको हुँदा प्रत्यक्ष रूपमा पहिचान गर्न कठिनाइ भइरहेको छ। त्यसैले शव पहिचानका लागि डीएनए परीक्षण, फिङ्गर प्रिन्ट, शरीरमा रहेका ट्याटु तथा अन्य पहिचान खुल्ने चिह्नलाई आधार बनाइनेछ।

बाढी–पहिरोका कारण शरीरका विभिन्न भाग छुट्टिएका अवस्थामा समेत शव तथा अवशेष फेला परेका छन्। हालसम्म संकलन गरिएका करिब ५४ वटा मानव शरीरका टुक्रा तथा अवशेषलाई समेत डीएनए परीक्षण, शरीरमा रहेका ट्याटु तथा अन्य शारीरिक पहिचानका आधारमा सम्बन्धित व्यक्तिसँग मिलान गरी पहिचान गर्ने तयारी गरिएको छ। शवको अवस्था र उपलब्ध प्रमाणका आधारमा पहिचानको प्रक्रिया अघि बढाइने प्रहरीको भनाइ छ।

भोटेकोसी बाढी–पहिरोमा बेपत्ता भएकाहरूको संख्या ठूलो रहेकाले खोजी कार्यलाई तीव्र बनाइएको छ। प्रहरीका अनुसार करिब ६ सय जनाको हाराहारीमा बेपत्ताको खोजी भइरहेको छ। खोज तथा उद्धारका लागि काठमाडौंलगायत विभिन्न स्थानबाट टोली परिचालन गरिएको छ। काठमाडौंबाट १० जनाको उद्धार टोली चितवन आइपुगेको छ भने बागमती प्रदेशबाट समेत उद्धार टोली परिचालन गरिएको डीएसपी पौडेलले जानकारी दिनुभयो।

शव पहिचानका लागि चितवन आएका आफन्तलाई आवश्यक सहजीकरण गर्ने कामसमेत भइरहेको छ। आफन्तहरूलाई खाना तथा बसोबासका लागि जिल्लाका विभिन्न होटलमा व्यवस्थापन गरिएको होटल ब्यवसायीसंघ चितवनका महासचिव कृष्ण महतो जानकारी दिनु भयो ।