वीरगंज । आईसीसी एकदिवसीय विश्वकप क्रिकेटमा इंग्ल्याण्डविरुद्धको जारी खेलमा आयोजक भारतले खराब सुरुवात गरेको छ । लखनउस्थित स्टेडियममा जारी खेलमााा टस हारेर पहिले व्याटिंगको निम्तो पाएको भारतले ४० रनमै ३ विकेट गुमाएको छ ।

भारतका विराट कोहली शुन्य रनमा आउट भए । यस्तै शुभन गिल ७ र श्रेयस ऐयर ४ रनमै पेभोलियन फर्किएका छन् । क्रिजमा अहिले कप्तान रोहि शर्मा र केएल राहुल छन् ।यो समाचार तयार पार्दासम्म भारतले १३ ओभरमा ३ विकेट गुमाएर ४३ रनमात्र बनाएको छ ।

जारी विश्वकपमा भारत आँफुले खेलेका ५ वटै खेलमा जित हात पार्दै १० अंकसहित अंक तालिकाको दोस्रो स्थानमा छ । जारी विश्व कपमा अहिलेसम्म अपराजित रहने भारत एक मात्र टोली हो ।

इंग्ल्यान्ड भने समान पाँच वटै खेलमा चारमा हार र एकमा जित हात पार्दै २ अंकसहित अंकतालिकाको पुछारमा रहेको छ । भारत र इंग्ल्यान्डबीच भएका पछिल्लो पाँच वटा खेलमा भारतले तीन वटा र इंल्यान्डले दुई वटा खेल जितेका छन् ।