वीरगञ्ज । टासी साङ्ग थार्वालिङ्ग बौद्ध गुम्बा भिशुवा वीरगञ्जको नयाँ कार्यसमिति चयन भएको छ ।
शनिवार आयोजित टासी साङ्ग धार्वालिङ्ग बौद्ध गुम्बाको ९ औँ अधिवेशनले रामबहादुर थोकरको नेतृत्वमा सर्व सहमतिले ९ सदस्सीय नयाँ कार्यसमिति चयन गरेको हो । थोकर दोस्रो कार्यकालका लागि अध्यक्ष चयन भएका हुन् ।
नव गठित कार्यसमितिको उपाध्यक्षमा उमेश लामा, सचिव गणेश लामा, कोषाध्यक्ष सन्नी पाख्रिन (लामा) र सह-सचिव राम तामाङ रहेका छन् । त्यस्तै सदस्यहरूमा अमृत लामा, रमेश लामा, नितु गुरुङ र रिना थिङ् चयन भएको निर्वाचन आयुक्त सुन्दर श्रेष्ठले जानकारी दिए ।
गुम्बाको प्रमुख लामा नेमराज लामाज्यू प्रमुख आतिथ्यमा आयोजित अधिवेशनमा वीरगञ्जमा बसोबास गर्दै आइरहेका तामाङ समुदायका व्यक्तित्वहरूको उपस्थिति रहेको थियो ।