वीरगंज । मधेश प्रदेशको राजधानी जनकपुरधामस्थित सँचालनमा रहेको मोनाष्टिक स्कूलमा बच्चालाई कुटपिट गर्ने शिक्षक नोकरीबाट हटाईएको छ । मँगलबार स्कूल समयमा नृत्य शिक्षकका सहायक रहेका एक शिक्षकले कक्षा ३ मा अध्ययनरत एक बालकलाई गाला झापड हानेपछि उनलाई नोकरीबाट निकालिएको हो ।मोनाष्टिक आवासीय माध्यमिक विद्यालयका प्रबन्धक निर्देशन डा. सोनु कुमार साहका अनुसार विद्यालयमा नृत्य शिक्षकका सहायक रहँदै आएका ती शिक्षकले बालकलाई कुटेपछि उनलाई मँगलबार नै स्थायी रुपमा विद्यालयबाट निलम्बन गरिएको हो ।
मिथिला नाट्यकला परिषद्मा समेत कार्य गर्दै आएका विशाल पासवान नामक डान्स सहायक शिक्षकले कक्षा ३ मा अध्ययनरत रिदम मण्डललाई गालामा झापड हानेपछि नील डाम आएको थियो । नीलडाम पछि आक्रोसित अभिभावकले समेत शिक्षकलाई हातपात गरेको निर्देशक साहले बताए । निर्देशक साहका अनुसार, बालकलाई कुटेको घटना तुरुन्तै बाहिर आएपछि उनलाई ठाउँको ठाउँ कारवाही गरी पदबाट निष्कासित गरिएको बताए । प्रहरी बोलाएर दुवै पक्षबीच वार्ता जारी रहेको बताउँदै उनले शिक्षकले आफ्नो गलती स्वीकार गरिसकेपनि उनलाई कारवाही गरिएको बताए ।
उनले भने, –“पढन आउने कुनै पनि बालबालिकासँग यस्तो व्यवहार अक्षम्य छ, मोनाष्टिक स्कूल एक रेपुटेडेट स्कूल छ, यहाँ कडा निगरानी छ । यस्तो अवस्थामा पनि भूल भएको स्वीकार गर्छु । बालबालिकालाई पढाउने शैली यहाँको बेग्लै छ, शिक्षकलाई यहाँको शैलीको बारेमा राम्ररी तालिम दिएरै राखेका थियौँ, तर गलती गरेपछि उनलाई तत्कालै जागिरबाट निकालिएको छ । हामी सम्पूर्ण अभिभावकबाट क्षमा प्रार्थी छौँ ।”उनले मोनाष्टिक स्कूलका पहिलो पटक भूलवंश यस्तो गलती हुन गएकोमा विद्यालय प्रशासनको तर्फबाट माफी माग्दै निर्देशक साहले आगामी दिनमा यहाँको वातावरणलाई थप निगरानी र पोलिसीमा कडाई गरिने बताए ।
