रौतहट । कुमार चन्दन । रौतहटको गरुडा नगरपालिका गरुडा महम्मदपुरमा अवस्थित श्रीराम सुगर मिल्स लिमिटेड केहि वर्ष यतादेखि बन्द अवस्थामा रहेको छ । उखु उत्पादक संघले गरुडा नगरपालिका स्थित श्रीराम सुगर मिल्स लिमिटेडको जग्गा विक्री सम्बन्धि चलखेल भइरहेकोले यसलाई राेक्ने निर्णय गरेको छ ।
राैतहटको लगायत आसपास जिल्लाका उखु किसानहरुको ठुलो धराेहरको रुपमा रहेको सुगर मिल्सको जग्गा सम्बन्धित निकायसंग सहयोग लिई बिक्रीमा रोक लगाउने निर्णय भएको ऊखु उत्पादक संघ रौतहटका अध्यक्ष अशोक यादवले बताए । ऊखु उत्पादक संघका अध्यक्ष अशाेक यादवकाे अध्यक्षतामा गरुडामा भएको सर्वदलिय वैठकले श्रीराम सुगर मिल्स (चिनि मिल मेसिन) र जग्गा समेत बिक्री गर्न नदिने निर्णय गरेकाे हाे । मिल्स व्यवस्थापन पक्षबाट विभीन्न किसिमको चलखेल भईरहेकोले रौतहटको किसान र व्यवसायी मिली यसलाइ रोक्न सम्बन्धीत निकायको ध्यानाकर्षण गराउने भएकोछ ।
स्थानिय सरकार, उखु उत्पादक संघ, उद्योग वाणिज्य संघ सहित विभिन्न संघ सस्था, विभिन्न राजनैतिक दलका नेता, युवा, किसान, समाजसेवीले रौतहटका धरोहर श्रीराम सुगर मिल्स ( चिनिमिल मेसिन ) लाइ बचाउनको लागी एकजुट हुन आह्ववान गर्ने बैठकले निर्णय गरेको अध्यक्ष यादवले बताए । सो बैठकमा नेपाली कांग्रेसका नेता सुनिल कुमार यादव, नेकपा एसका नेता वृज किशाेर यादव, नेकपा एमालेका नेता रामजी साह सहित गरुडा नगरपालिकाका सम्पूर्ण वडाध्यक्ष, स्थानिय समाजसेवी, व्यापारी, बुद्धिजीवी, किसान लगायतका सहभागिता रहेको थियो ।
