वीरगंज | नेपाली कम्युनिस्ट पार्टी(नेकपा)को केन्द्रीय समिति बैठकले चार वटा प्रस्ताव अनुमोदन गरेको छ।

सोमबार बसेको भर्चुअल बैठकले पार्टी नियमावली-२०८३, आचार संहिता, संसदीय दलको नियमावली,अनलाइनबाट सदस्यता नवीकरण तथा वितरण सम्बन्धी प्रस्ताव अनुमोदन गरेको हो ।

बैठकमा राजनीति विषयमा छलफल नभएको नेता रामकुमार भट्टराईले जानकारी दिए । वामपन्थीबिच एकता र ध्रुवीकरणको विषयमा यथावत् रूपमै अगाडि बढिरहेको उनले बताए ।

‘पार्टी एकताका लागि पहिला आफ्नो पार्टी बलियो हुनुपर्छ । आफू बलियो भएमात्र वामपन्थी एकता बलियो हुन्छ । त्यसैले पहिला पार्टी बलियो बनाउने र सङ्गठन सुदृढीकरण गर्ने काममा ध्यान दिएका छौँ’, भट्टराईले रातोपाटीसँग भने।