वीरगंज । रामनिवास कुमार पटेल । सताको बलमा वाउन्सर प्रयोग गरी नियम विपरीत बाटो कर उठाउदै। वीरगञ्ज महानगरपालिका द्वारा भएको (ढाट) बाटो करको ठेका पाटा यही २०८० को असार महिनामा भएको थियो। वीरगञ्ज महानगरपालिकाको वडा नं २२ जगरनाथपुरमा रहेको नहर चौक स्थीत आफ्नो बाटो कर संकलन गर्ने पोस्ट बनाएका छन्। आफु वडा अध्यक्ष भएको बलमा बाउन्सर प्रयोग गरी नियम विपरीत भारतीय सवारीसाधनहरु संग अनावस्यक रूपले रकम असुल गर्दै आएका छन्। वीरगञ्ज महानगरपालिका वडा नं १० का वडा अध्यक्ष सुशील साह कानु आफुले ठेकापाटा लिएका छन्। आफु वडा अध्यक्ष भएको र ज स पा पार्टीको कार्यकर्ता भएको घमण्डमा बाटो कर उठाउने ठाउँमा नियम विपरीत बाउन्सर प्रयोग गरी भारतीय सवारीसाधनका चालकहरुलाई बाटो कर तिर्न मजबूर बनाउने गर्दै आएका छन्।

केही चालकहरुले कर दिन नमाने पछी कुटपिट गर्ने गाली गर्ने जस्ता ब्यवहार गर्ने गरेका छन्। आईसिपी बाट भन्सार गराई नेपाल छिरेका सवारीसाधनहरु बहुवरी चौक हुँदै परवानीपुर जाने गर्दछन। मंगलबार राति १० बजे को समयमा केही पीडित चालकहरुले इलाका प्रहरी कार्यालय श्रीपुरका इन्स्पेक्टर आशुतोष बहादुर शाही लाई सम्पर्क गरेका थिए। सूचना पाउने साथ श्रीपुरका इन्स्पेक्टर त्यो कर संकलन गर्ने स्थलमा पुगेका थिए। प्रहरी हेरेपछि कर संकलन गर्न बसेका व्यक्तिहरुले काटेको रसीद को ठेली लुकाउन खोजेका थिए। इन्स्पेक्टर शाहीले विलको ठेली माग्दा पनि दिन मानेका थिएनन्। इन्स्पेक्टर शाहीले चेकजांच गर्दा रसीदको ठेली बरामद भएको थियो।

बरामद भयेको रसीद को ठेलिमा नियम विपरीत कबाडी कर संकलन गर्दै गरेको प्रमाण भेटिएको थियो। नियम विपरीत २०० रुपैयाँ कबाडी करको नाममा असुल गर्दै आएका कुरा काटिएको रसिदको ठेलीले प्रमाणित भएको छ।बाटो कर संकलन गर्न बसेका केही व्यक्तिलाई इन्स्पेक्टर शाहीले छानबिनको लागि आफ्नो नियन्त्रणमा लिएका थिए। भारतीय सवारीसाधनहरुमा कुनै किसिमको वस्तु लिएर आउँदा नयाँ सामग्री नै लिएर आउने गर्दछन। फेरि त्यो भारतीय सवारीसाधनहरु मालसामान खाली गरेर नेपाल बाट खाली सवारीसाधन लिएर जाने गर्दछन। तरपनि जबरदस्ती कबाडी करको नाममा रकम असुल गर्दै आएका छन्।