काठमाडौं । पछिल्लो समय सुपरस्टार सलमान खानको आगामी फिल्म ‘दबंग–३’लाई लिएर जबरदस्त बज बनेको छ । भर्खरै अभिनेता खानले सोही ‘दबंग–३’ फिल्मको भिलेनलाई पनि इन्ट्रोड्युस गरिदिएका छन् । फिल्ममा साउथका अभिनेता किच्चा सुदीपले भिलेन बल्लीको भूमिका निभाएका छन् ।

सलमानले अभिनेता किच्चा सुदीपको पोस्टर सेयर गर्दै क्याप्शनमा लेखेका छन्–‘भिलेन जति ठूलो होस् । उनीसँग भिड्न त्यतिकै मज्जा आउँछ । किच्चा सुदीप ‘दबंग–३’मा बल्लीको भूमिकामा हुनेछन् ।’

सार्वजनिक पोस्टरमा किच्चा सुटमा सजिएका छन् । आँखामा रिससहितको किच्चाको यो लुक्सलाई दर्शकहरुले निकै रुचाइरहेका छन् । अभिनेत्री सोनाक्षी सिन्हाले पनि किच्चाको यो लुक्सलाई सेयर गरेकी छन् ।

सलमानको यो फिल्म २० डिसेम्बर २०१९ मा दर्शकमाझ रिलिजमा आउँदैछ । फिल्ममा सलमानको अपोजिटमा सोनाक्षी सिन्हा देखिदैछन् । यसै फिल्ममार्फत महेश मांजेकरको छोरी सई मांजेकरले डेब्यु गर्दैछन् । यसका साथै फिल्ममा अरबाज खान, माही गिल, पंकज त्रिपाठी, बवाब शाह, प्रमोद खन्ना लगाएत मुख्य भूमिकामा छन् ।

फिल्मलाई प्रभु देवाले निर्देशन गरेका हुन् । अहिले यो फिल्मको पूरै सुटिङ सकिसकेको छ ।