वीरगंज । जारी टी-२० विश्वकपमा बंगलादेशले विजयी शुरुवात गरेको छ । सुपर १२ को समुह २ अन्तर्गत बंगलादेशले सोमबार नेदरल्याण्डसलाई ९ रनले पराजित गरेको हो । बंगलादेशले दिएको १४५ रनको लक्ष्य पछाएको नेदरल्याण्डसले २० ओभरमा अल आउट हुदै १३५ रन बनाएको थियो । नेदरल्याण्डसका लागि कोलिनअकरम्यानले सर्बाधिक ६२ रन बनाए भने कप्तान स्कट एड्वार्ड्सले १६ रन बनाए ।

त्यस्तै पाउल भान मीकेरनले २४ रन बनाएका थिए । नेदरल्याण्डसका अन्य ब्याट्सम्यानले दोहोरो अंकमा रन बनाउन सकेनन । बंगलादेशको जितमा बलरहरुले किफायती बलिङ गरेका थिए । जसमा तास्किन अहमदले ४ ओभरमा २५ रन दिएर ४ विकेट लिए भने हसन महमुदले ४ ओभरमा एक मेडनसहित १५ रन दिएर २ विकेट लिएका थिए । त्यस्तै कप्तान शकिब अल हसन र सौम्य सरकारले एक एक विकेट लिए ।

यसअघि टस हारेर पहिला ब्याटिंग गरेको बंगलादेशले यासिर अलीको ३८, नाजमूल हुसैनको २५, मोसाडेक होसैनको २० रनको मद्धतले २० ओभरमा ८ विकेट गुमाउदै १४४ रन बनाएको थियो । यो जितपछि बंगलादेशले महत्वपूर्ण २ अंक हासिल गरेको छ । अब बंगलादेशले अर्को खेल दक्षिण अफ्रीकासँग आगामी विहिबार खेल्ने छ भने नेदरल्याण्डसले सोहि दिन भारतसँग खेल्ने तालिका रहेको छ ।