यसमा बताइए अनुसार मानिसहरुले आफूमा देखिएको लक्षणबाट राहत पाउनका लागि एन्टी पायरेटिक (ज्वरोका लागि) र एन्टीटसिव (रुघा खोकीका लागि) खान सक्नेछन् साथै खोकीबाट राहत पाउनका लागि ब्यूडेसोनाइडको ८००एमसीजीको डोजलाई दिनमा दुईपटक इन्हेलरमार्फत् लिन सक्नेछन् । यीबाहेक अन्य कुनै पनि औषधीको आवश्यकता पर्दैन । बिरामीको लक्षण बढिरहेको छ कि घटिरहेको छ भनेर पछि परीक्षण गर्न सकिन्छ । लक्षण नदेखिएका कोरोना संक्रमितलाई कुनै पनि औषधीको आवश्यकता पर्दैन । यस्तै जसलाई पहिला देखि नै कुनै रोग छ वा औषधी सेवन गरिरहेका छन् भने ती औषधीलाई निरन्तरा दिन सक्छन् । डीजीएचएसले दिएको सल्लाह अनुसार जसमा कोरोनाको लक्षण देखिन्छ उनीहरुले स्वस्थ र सन्तुलित आहारको सेवन गर्नुपर्छ साथै पर्याप्त मात्रामा पानी पिइरहनुपर्छ ।
रेमडेसिविर प्रयोगका लागि दिशानिर्देशः१. रेमडेसिविरको प्रयोग कोभिड–१९ का तीब्र र गम्भीर बिरामी जो अस्पतालमा भर्ना छन्, उनीहरुका लागि मात्रै प्रयोग गर्न पाइने छ । साथै बिरामी भएको १० दिनसम्म अक्सिजनमा राख्न सकिन्छ ।
२. यो ती बिरामीका लागि प्रयोग गरिने छैन जसमा हल्का लक्षण छन् र जो घरमा वा कोभिड केयरमा उपचार गराइरहेका छन् ।
३. यो औषधी वरिष्ठ डाक्टर वा विशेषज्ञ जो बिरामीको प्रत्यक्ष रेखदेखमा संलग्न छन्, उनीहरुले मात्रै तोकिदिन सक्छन् ।
४. यदि वरिष्ठ डाक्टर वा विशेषज्ञको अनुपस्थितिमा बिरामीलाई यो औषधीमा दिनुपरेको खण्डमा यसका लागि ड्युटी डाक्टरले टेलिफोनमा वरिष्ठ डाक्टर वा विशेषज्ञको सल्लाह लिनुपर्नेछ ।
अत्यधिक गम्भीर बिरामीका लागि टोसिलिजुमेब प्रयोगको दिशानिर्देश१. यदि कुनै बिरामीमा अक्सिजनको आवश्यकता पूरा गरेपछि पनि २४–४८ घण्टामा कुनै सुधार देखिएको छैन भने यस्तो स्टेरोइड टोसिलिजुमेब लगाउनका लागि सल्लाह दिन सकिन्छ ।
२. यदि कुनै बिरामीमा इन्फ्लामेट्री मार्कर्स (C-Reactive Protein≥75 mg/L) मा अत्यधिक वृद्धि देखिएको छ भने पनि उनीहरुलाई यो औषधी दिन सकिन्छ ।
३. तर जब बिरामीलाई टोसिलिजुमेब दिइएको छ भने उनलाई कुनै प्रकारको ब्याक्टेरियल, फंगल वा क्षयरोगसँग जोडिएको संक्रमण त भएको छैन भनेर राम्रोसँग पुष्टि गर्नुपर्छ ।
स्टेरोयडका लागि दिशानिर्देशः
१. बिना लक्षण र हल्का लक्षण देखिएका कोरोना संक्रमितलाई स्टेरोयडको प्रयोग हानिकारक छ ।
२. स्टेरोयड अस्पतालमा भर्ना भएका, तीब्र, गम्भीर र अतिगम्भीर कोभिड संक्रमितका लागि मात्रै प्रयोग गर्न दिइनेछ ।
३.स्टेरोयड आफैंले प्रयोग गर्न पूर्ण रुपमा प्रतिबन्ध छ ।
४. जसलाई स्टोरोड दिइँदैछ उनीहरुको ब्लड सुगरको मात्रा लगातार परीक्षण गरिनुपर्छ किनभने हाइपरग्लाइसिमिया समस्या देखिन सक्छ ।
रगत पातलो बनाउने औषधीको दिशानिर्देशः
१. कोभिड–१९ का मध्यम तीब्र मामिलामा लो मोलिक्यूलर वेट हिपेरिनको डोज प्रयोग गर्न सकिन्छ ।
२. रगत बग्ने खतरा हुँदा यसलाई दिनु हुँदैन ।
३. गम्भीर मामिलामा लो मोलेक्यूलर वेट हिपोरिनको प्रयोग गर्न सकिन्छ ।
४. थेरेपेटिक डोज अर्थात् उपचारको रुपमा त्यतिबेला मात्रै दिन सकिन्छ जब बिरामीमा थ्रम्बोएम्बोलिजम वा नसामा रगतको ढिक्का जम्ने संकेत देखिएको छ ।
हाइ रेजोल्यूशन (एचआरसीटी) स्क्यानको दिशानिर्देशः
१. करिब दुई तिहाई कोभिड–१९ का बिना लक्षणका संक्रमितमा एचआरसीटीको रिपोर्ट असामान्य देखिन्छ तर यी लक्षण बढ्दैनन् ।
२. कोभिड–१९ द्वारा संक्रमित भएको पहिलो हप्तामा छातीको एचआरसीटी गराउँदा यो फोक्सोमा फैलिएको देखिन सक्छ त्यसैले यसले गलत अन्दाज पनि लगाउन सकिन्छ ।
३. दिशानिर्देशमा बताइए अनुसार युवामा फोक्साको निकै ठूलो हिस्सा हुँदा पनि हाइपोक्सिया विकसित हुने छैन जबकी वृद्ध–वृद्धामा फोक्सोको कमै हिस्सा हुँदा पनि हाइपोक्सिया हुनसक्छ ।
४. बारम्बार एचआरसीटी गराउँदा रेडिएशनका कारण पछि क्यान्सरको खतरा हुनसक्छ ।
