रामनारायण यादव,सप्तरी। सप्तरीमा दुई वटा मोटरसाइकल एक आपसमा ठोकिदा बिहीबार दुई जनाको मृत्यु भएको छ, भने दुई जना घाइते भएका छन् ।

पूर्व–पश्चिम राजमार्गअन्तर्गत सप्तरीको खडक नगरपालिका वडा नम्वर ८ स्थित बिसनपुर चोकमा मोटरसाइकल दुर्घटनामा परी दुई जनाको मृत्यु भएको सप्तरी प्रहरीले जनाएको छ । पूर्वबाट पश्चिमतर्फ जाँदै गरेको बा ६८ प ६८८७ नम्वरको मोटरसाइकल र विपरीत दिशाबाट आउँदै गरेको ज ६ प ५८५३ नम्वरको मोटरसाइकल एक आपसमा ठोक्किँदा दुर्घटना भएको थियो ।

दुर्घटनमा बा ६८ प ६८८७ नम्वरको मोटरसाइकलमा सवार सप्तरीको सुरुङ्गा नगरपालिका वडा नम्वर १ पिपरा का २७ वर्षीय अरविन्द चौधरीको मृत्यु भएको छ, भने ज ६ प ५८५३ नम्बरको मोटरसाइकलमा सवार जिल्लाकै खडक नगरपालिका वडा नम्वर ६ बिषणपुर का २८ वर्षीय अनबारुल अन्सारीको मृत्यु भएको जिल्ला प्रहरी कार्यालय सप्तरीले जनाएको छ ।

दुर्घटनामा घाइते दुवै जनाको उपचारको क्रममा राउ स्मारक अस्पताल लहानमा मृत्यु भएको जिल्ला प्रहरी कार्यालय सप्तरीका प्रहरी नायव उपरीक्षक तिलक भारतीले जानकारी दिए ।

दुर्घटनमा परी घाइते हुनेहरुमा सप्तरीको सुरुङ्गा नगरपालिका वडा नम्वर १ पिपरा का १८ वर्षीय देवानन्द चौधरी र जिल्लाकै खड्क नगरपालिका वडा नम्वर ६ विषणपुर का ४० वर्षीय मो. किसुधीन रहेका छन् ।

घाईत दुवै जनाको लहान स्थित सप्तऋषी अस्पतालमा प्राथमिक उपचार पछि थप उपचारका लागि विराटनगर स्थित गोल्डेन अस्पताल पठाईएको जिल्ला प्रहरी कार्यालय सप्तरीका प्रहरी नायव उपरीक्षक भारतीले जानकारी दिए