अहिलेसम्म कोरोनाबाट विश्वभरि ९० हजार भन्दा धेरै जना संक्रमित भएका छन् भने ३ हजार २ सय ८६ जनाको मृत्यु भएको छ । तर यो रोगको बारेमा आजभन्दा १२ वर्ष पहिला नै एक लेखकले महामारी फैलिने कुरा आफ्नो पुस्तकमा लेखेका थिए ।सोहि कुरा अहिले सामाजिक सञ्जालमा भाइरल बनिरहेको छ । आजभन्दा १२ वर्ष पहिला लेखक सिल्विया ब्राउनले एक पुसतकमा यस बारेमा लेखेका थिए । उक्त पुस्तक सन् २००८ मा सार्वजनिक भएको थियो । उक्त पुस्तकको नाम एण्ड अफ दि वर्ल्ड रहेको छ ।

सन् २०२० मा उक्त कितावमा गम्भीर निमोनिया जस्तै एउटा रोग सारा विश्वमा फैलिएर धेरै नाश हानी पुर्याउने कुरा लेखिएको छ । कितावका अनुसार रोग जसरी अचानक आएको थियो त्यसैगरी हराएर जाने कुरा पनि उल्लेख गरिएको छ ।सिल्वीया ब्राउनको यो पुस्तकमा लेखिएको फोटो पनि भाइरल बनिरहेको छ । यसका साथै आजभन्दा ४० वर्ष अगाडि पनि एउटा यस्तै पुस्तक प्रकाशन भएको थियो ।

जसमा कोरोना भाइरसको उल्ल्ेख गरिएको थियो । त्यो कितावको नाम दि आइज अफ डार्कनेस रहेको छ । सन् १९८१ म डीन कोन्टोज नामका एक लेखकले यो पुस्तक लेखेका थिए ।त्यसमा वुहान ४०० नामक एक भाइरसको बारेमा बताईएको छ । यो एउटा थ्रीलर उपन्यास थियो । पुस्तक धेरैले मन पराएका थिए ।नोवेलका अनुसार वुहान ४०० नामक यो जैविक हयिार ४०० मानिसहरुको माइक्रोगनिज्म मिलाएर बनाइएको थियो । त्यसलाई वुहान शहरको बाहिर एक आरडीएनए प्रयोगशालामा बनाइएको थियो ।उपन्यासमा लेखिएका ति सबै कुरा कोरोनासँग मिलेका छन् ।