रौतहट |  १० लाख भारतीय अवैध रकम सहित रौतहटबाट दुईजना पक्राउ परेका छन् । अबैध रकम सहित नेपाल प्रवेश गरेका भारतीय नागरिकलाई सीमा सशस्त्र प्रहरी बल रौतहटले पक्राउ गरेको हो ।शंकास्पद गतिविधि पछि चेकजाँच क्रममा उनीहरु पक्राउ परेको ११ नम्बर गण हेडक्वाटर रौतहटका गणपति सशस्त्र प्रहरी उपरिक्षक रबिनराज कर्णजीतले जानकारी दिएको छ ।

पक्राउ पर्नेहरुमा भारतको सितामढी जिल्लाको बैरगनीया – १४ बस्ने २१ वर्षीय सन्नी कुमार पटेल र २६ वर्षीय सुरज जैसवाल रहेको प्रहरीले जानकारी दिएको छ । उनीहरुलाई थप अनुसन्धानका लागि प्रहरीले जिल्ला भन्सार कार्यालय गौरमा बुझाएको छ ।