वीरगन्ज । वीरगन्ज भन्सारको मुख्य नाकाबाट रातिको समयमा भारतबाट नेपालतर्फ खुलेआम तस्करी भइरहेको आरोप सार्वजनिक भएको छ। भारतबाट रिक्सामा सामान ल्याउने तथा सीमा क्षेत्रबाट भरियामार्फत सामान बोकेर नेपालको विभिन्न स्थानसम्म पुर्याउने गरेको दृश्यसमेत भिडियोमार्फत सार्वजनिक भएको दाबी गरिएको छ।
सार्वजनिक भएको भिडियोमा रातिको समयमा रिक्सामार्फत भारतबाट नेपालतर्फ सामान ल्याउने तथा सीमा क्षेत्रमा मानिसहरूले बोकेर सामान ओसारपसार गरिरहेको देखिएको बताइएको छ। यसले वीरगन्ज भन्सार तथा सीमा क्षेत्रमा तस्करी नियन्त्रणका लागि खटिएका सुरक्षा निकायको भूमिकामाथि गम्भीर प्रश्न उठाएको छ।
यसअघि पनि पर्सामा नेपाल प्रहरी र सशस्त्र प्रहरीका केही कर्मचारी तथा तस्करीमा संलग्न भनिएका व्यक्तिहरूबीचको मिलेमतो देखिने भिडियो तथा दृश्यहरू विभिन्न समयमा सार्वजनिक हुँदै आएका छन्। यस्ता घटनाले सीमा क्षेत्रमा तस्करी नियन्त्रणका लागि खटिएका सुरक्षा निकायको निगरानी र कार्यसम्पादनमाथि प्रश्न उठाउँदै आएको छ।
नयाँ प्रहरी प्रमुख पर्सामा आएलगत्तै मुख्य भन्सार नाकाबाटै रातिको समयमा यसरी खुलेआम तस्करी भइरहेको आरोप सार्वजनिक हुनु थप गम्भीर विषय बनेको छ। घटनाको वास्तविकता के हो र सुरक्षा निकायको नेतृत्व तहसम्म यसको जानकारी छ कि छैन भन्ने विषयमा समेत चासो बढेको छ।
यद्यपि, सार्वजनिक भिडियो र आरोपका आधारमा मात्र नेपाल प्रहरी वा सशस्त्र प्रहरीको मिलेमतो पुष्टि हुदैन येसले यहाका प्रमुख हरुको पनि मिलोमतो प्रष्ट हुन्छ । घटनाको निष्पक्ष छानबिन गरी तस्करीमा सुरक्षा निकायका कुनै कर्मचारीको संलग्नता भए कारबाही र संलग्नता नभए तथ्य सार्वजनिक गर्नुपर्ने देखिन छ।
सीमा क्षेत्रमा खुलेआम तस्करी भइरहेको आरोप सार्वजनिक भइरहँदा गृह मन्त्रालयले समेत यस विषयलाई कसरी लिन्छ भन्ने चासोको विषय बनेको छ। सुरक्षा निकायको नेतृत्वमाथि समेत छानबिन गरी दोषी देखिए कारबाही गर्ने वा नदेखिए वास्तविकता सार्वजनिक गर्ने आवश्यकता देखिएको छ।
वीरगन्ज भन्सार तथा सीमा क्षेत्रबाट भइरहेको भनिएको यस्तो अवैध ओसारपसार नियन्त्रण गर्न नेपाल प्रहरी, सशस्त्र प्रहरी, भन्सार कार्यालय तथा सम्बन्धित निकायबीच प्रभावकारी समन्वय आवश्यक देखिन्छ। अब सार्वजनिक भएको भिडियो र उठेका आरोपमाथि सम्बन्धित निकायले कस्तो अनुसन्धान तथा कारबाही अघि बढाउँछन् भन्ने विषयलाई चासोका साथ हेरिएको छ।
video link https://www.facebook.com/share/v/19L7PqyvPH/
