वीरगंज । हिजो सोमबार देखि परेको अविरल वर्षाको कारण बागमती नदी, लालबकैया नदी लगायत अन्य ठाँउमा अलपत्र फसेका मानिसहरुलाई बिभिन्न स्थानहरुबाट स्थानिय मानिसहरुको सहयोगमा खटिएको नेपाल सेना, नेपाल प्रहरी, सशस्त्र प्रहरी समेतको प्रहरी टोलीले सुरक्षित साथ उद्धार गरी निजहरुको आफन्तको जिम्मा बुझाइएको जिल्ला प्रहरी कार्यालय रौतहटले जनाएको छ।

उद्दार गरिएको मानिसहरू :-
१. जिल्ला रौतहट परोहा न.पा.वडा नं. ४ पोखरिया टोल स्थित लालबकैया खोलाको बिचमा रहेको खेतमा खोलाको बबाह बढ्न गई नम फसेका ३ जना मानिसहरु स्थानीय वासिन्दाको सहयोगमा अ.प्र.पो.लौकाहाको प्रहरी टोलीले उद्दार गरेको छ ।

२. जिल्ला रौतहट दुर्गाभगवती गा.पा.वडा नं. ५ बडहर्वा टोलमा बागमती खोलाको वाहव बढन गई अं. २५ घरधुरीमा ३ फिट पानी पसेक अं. ६५/७० जना स्थानियहरुलाई स्थानीय बासिन्दाको सहयोगमा प्र.चौ. बडहर्वाको प्रहरी टोलीले उद्दार गरी बागमती बाधमा स्थानान्तर गरी राखेको छ ।
३. जिल्ला रौतहट राजपुर न.पा. फतुवा गाउँको खोलामा लालबकैया खोलाको पानी ओभर फ्लो भई खेतमा अं. ९/१० फिट जमेको कारण खेतमा भैसी चराउन गएको स्थानियहरु ५ जना उक्त खेतमा जमेको पानीमा फसी रुखमा चढेर बसेका स्थानीयलाई स्थानीय बासिन्दाको सहयोगमा ई.प्र.का. राजपुरबाट खटीएको प्रहरी टोलीले डुङ्गाबाट सकुशल उद्धार गरिएको र चौपाय १ भैसीको मृत्यु भएको छ ।

४. जिल्ला रौतहट गढीमाई न.पा. वडा नं.२ समनपुर बस्ने बर्ष ६५ को सहिद राय भाटले ऐ. वडा नं १ बागमती खोला पारी आफ्ने खेतबाट फर्किने क्रममा उक्त खोलामा डुबिरहेको अवस्थामा स्थानीय वासिन्दाको सहयोगमा ई.प्र.का. समनपुरको प्रहरी टोली तत्काल उद्दार गरी उपचारको लागी स्थानीय क्लिनिक समनपुर ल्याई सामान्य उपचार पश्चात थप उपचारको लागी चपुर तर्फ पठाइएकोमा निजको १४:२० बजेको समयमा चपुर सरकारी अस्पतालले मृत घोषणा गरेको छ ।
५. जिल्ला रौतहट फतुवाबिजयपुर न.पा. वडा नं. ८ बुनियाँद गाउँमा बर्ष ६५ को लालबहादुर चौधरी पानीमा डुब्दै गरेको अवस्थामा स्थानीय बासिन्दाको सहयोगमा ई.प्र.का. लक्ष्मिनियाको प्रहरी टोलीले तत्काल सकुशल उद्दार गरेको छ ।

६ .जिल्ला रौतहट मौलापुर न.पा. वडा १ मर्यादपुर लालबकैया नदीको छेउमा देवाहीगोनाही न.पा. वडा नं. २ बस्ने राजेन्द्र यादवको छोरा बर्ष १७/१८ को कर्ण यादव बिहान खेतमा घाँस, तरकारी लिन गएकोमा अचानक लालबकैया नदी पानीको बहाव बढी निजको खेतमा रहेको सिसौको रुखमा चढी बसीरहेकोमा स्थानीय वासिन्दाको सहयोगमा नाँउ( ढुङगा बाट ऐ. १३:३० बजेको समयमा ई.प्र.का. मौलापुरको प्रहरी टोलीले सकुशल उद्धार गरेको छ ।

७.जिल्ला रौतहट राजदेवी न.पा. वडा नं १ स्थित रहेको पथरा खोलामा झाझ खोलाबाट ओभर फलो भएको पानीमा जिल्ला रौतहट राजदेवी न. पा. १ मोतिपुर टोल बस्ने दिनेश चौधरीको छोरा वर्ष १३।१४ को सोहन चौधरीले खेल्ने क्रममा डुवी सिसौको हाड्गा समाती बसिरहेको अवस्था तत्काल प्र.चौ. बडर्हवाको प्रहरी टोलीले स्थानीय वासिन्दाको सहयोगमा निजलाई उद्दार गरेको छ ।