वीरगंज । सामाजिक सेवामा सक्रिय वीरगञ्जका लायन्स क्लबले आज वीरगञ्जका विभिन्न स्थानहरूमा खाना खुवाउने कार्यक्रम सम्पन्न गरी लायन वर्ष २०२३/२४ को शुभारम्भ गरेका छन् । लायन्स क्लब अफ वीरगञ्ज, लायन्स क्लब अफ वीरगञ्ज आदर्शनगर, लायन्स क्लब अफ वीरगञ्ज मिलेनियम एमजेएफ, लायन्स क्लब अफ वीरगञ्ज सेन्ट्रल, लायन्स क्लब अफ वीरगञ्ज विजयपथ, लायन्स क्लब अफ वीरगञ्ज सेस्मी एकेडेमी, लायन्स क्लब अफ वीरगञ्ज सेन्ट्रल सिटी, लायन्स क्लब अफ वीरगञ्ज संस्कृति गोल्ड, लायन्स क्लब अफ वीरगञ्ज वाकिङ टिम एनएलएफ, लायन्स क्लब अफ वीरगञ्ज कुटुम्ब, लायन्स क्लब अफ वीरगञ्ज परिवार, लायन्स क्लब अफ वीरगञ्ज ऐक्सीलेन्स, लायन्स क्लब अफ वीरगञ्ज सहयोगी, लायन्स क्लब अफ वीरगञ्ज युथ, लायन्स क्लब अफ वीरगञ्ज नियो,
लायन्स क्लब अफ वीरगञ्ज नर्थ, लायन्स क्लब अफ वीरगञ्ज ईनिसिएटिभ, लायन्स क्लब अफ वीरगञ्ज गेटवे, लायन्स क्लब अफ कलैया, लायन्स क्लब अफ जीतपुर सिमरा, लायन्स क्लब अफ सिमरा युथ, लायन्स क्लब अफ गञ्जभवानीपुरलगायतका क्लबहरुको आयोजनामा वीरगञ्जको नारायणी अस्पताल, आमाको माया छात्रावास, मानव सेवा आश्रम, हाम्रो स्कूल वीरगञ्ज, माईस्थान मन्दिर क्षेत्र, शिव मन्दिर परिसर, जनजाती कल्याण आश्रम, कलैया अनाथालय, कलैया अस्पताल, सिमरा आश्रम, पथलैया वृद्धाश्रम लगायतका स्थानहरूमा खाना, खाजा एवम् जुस खुवाउने कार्यक्रम सम्पन्न भएको लायन्स क्लब ईन्टरनेशनल डिष्ट्रिक्ट ३२५ एसका एरिया चिफ पिएमजेएफ उमेश शर्माले बताए ।
कार्यक्रमलाई सम्बोधन गर्दै लायन्स क्लब ईन्टरनेशनल डिष्ट्रिक्ट ३२५ एसका डिष्ट्रिक्ट गभर्नर एमजेएफ डिएन अग्रवालले खाना खुवाउने कार्यक्रमको प्रशंसा गर्दै आयोजक क्लबका अध्यक्ष एवम् कार्यक्रम संयोजकहरूलाई धन्यवाद दिएका थिए । त्यसै गरी लायन्स क्लब ईन्टरनेशनलका पाष्ट मल्टिपल काउन्सिल चेयरपर्सन रमेश अग्रवालले वीरगञ्जका लायन्स क्लबहरूले आज विभिन्न स्थानहरूमा खाना खुवाएर लायन वर्ष २०२३/२४ को शुभारम्भ गरेकोमा कार्यक्रमको प्रशंसा गर्दै आगामी कार्यक्रमहरू पनि यसै गरी सफलतापूर्वक सम्पन्न गर्नका लागि शुभकामना दिएका थिए । कार्यक्रममा लायन्स क्लबका विभिन्न वरिष्ठ पदाधिकारी एव लायन सदस्यहरूको उल्लेख्य सहभागिता रहेको थियो ।
