एजेन्सी। विगत एक दशमा मानिसहरूको बदलिँदो मानसिक स्थिति जान्न र उनीहरूको भावना बुझ्नका लागि ग्यालप वर्ल्ड पोलले १५० देशका १२ लाख मानिसमा सर्वेक्षण गरेको छ ।

सर्वेक्षणको निष्कर्षअनुसार, १० वर्ष पहिले महिला र पुरुषमा क्रोध र तनावको स्तर समान थियो । तर अहिले महिलाको तनाव बढेको छ र उनीहरू बढी रिसाहा भएका छन् ।

संसारभरि महिलाको आक्रोश स्तर पुरुषको भन्दा ६ प्रतिशत बढी छ । भारतका महिलामा चाहिँ तनाव र क्रोधको स्तर संसारको भन्दा दुईगुणा बढी छ ।

भारतमा पुरुषहरूको क्रोधको स्तर २७.८ प्रतिशत छ भने महिलाहरूमा यो स्तर ४०.६ प्रतिशत छ । कोरोना महामारीका दुई वर्षमा यो स्तर थप बढेको छ ।

यसमा शिक्षा र आत्मनिर्भरता कारण रहेको मनोवैज्ञानिक डा लक्ष्मी विजय कुमार बताउँछिन् । उनी भन्छिन्, ‘सबै देशहरूमा महिला पहिलेभन्दा बढी शिक्षित छन् । उनीहरू जागिर खान पनि थालेका छन् । त्यसले उनीहरूलाई आत्मनिर्भर बनाएको छ । तर घरमा पितृसत्तात्मक व्यवस्था कायम छ जबकि बाहिर बराबरीको कुरा गरिन्छ ।’

यही असन्तुलनका कारण महिलाहरू आफ्नो आवाज उठाउन थालेका छन् । उनीहरू आक्रोश व्यक्त गर्न थालेका छन् । समाजको सोच बदलिएर नैतिक दबाब कम हुँदा महिलाहरू आफ्ना भावना अभिव्यक्त गर्न थालेका छन् ।

रोजगारीमा कामको अनुपातमा तलब नपाउँदा पनि महिलाहरू आक्रोशित भइरहेको रेज बिकम्स हर पुस्तककी लेखिका सोराया शेमली बताउँछिन् ।