वीरगंज । बलिउड अभिनेता रणवीर कपुर यतिबेला आफ्नो आगामी फिल्म ‘एनिमल’ को सुटिङमा व्यस्त छन् । छोरीको जन्मपछि केही अगाडि मात्र काममा फर्किएका उनको एनिमल लुक्स बाहिरिएको छ ।

जुन लुक्स भाइरल भइरहेको छ । तस्बिरमा रणवीर निकै रफ लुकमा देखिएका छन् । उनलाई लामो कपालसहित सेतो कुर्तामा देख्न सकिन्छ । तस्बिरहरू हेरेर अभिनेताको यो लुक एक्सन दृश्यको सुटिङपछिको हुनसक्ने अनुमान गर्न सकिन्छ । किनभने अभिनेताको अनुहार र कपडामा रगतको दाग देखिन्छ ।

फिल्मका मेकर सन्दीप रेड्डी वांगाले पहिलो पटक रणवीर कपूर र कबीर सिंहसँग यसै फिल्ममा काम गर्न लागेका हुन् । रिपोर्टका अनुसार फिल्ममा रणबीर डार्क क्यारेक्टरमा देखिनेछन् । फिल्म अर्का वर्ष अर्थात् २०२३ मा रिलिज हुनेछ ।