वीरगन्ज । वीरगन्जमा रहेका नीजी विधालयहरुको मनोमानी विरुद्ध स्वस्फूर्त रुपमा संगठित भएका अभिभावकहरुले सोमबार जिल्ला प्रशासन कार्यालय र वीरगन्ज महानगरपालिकाको कार्यालयमा ज्ञापनपत्र बुझाएका छन् ।

नीजी विधालयहरुले गरेको शुल्कवृद्धि , पाठ्यक्रम परिवर्तन लगायतका निर्णय खारेजीको माग गर्दै अभिभावकहरुले सोमबार प्रमुख जिल्ला अधिकारी उमेश ढकाल र वीरगन्जका मेयर राजेशमान सिं.हलाइ छुटटा छुटटै भेटेर ज्ञापन पत्र बुझाएका हुन् ।

गत शनिबार भेला भएका अभिभावकहरुले नीजी विधालयहरुको मनोमानी विरुद्ध चरणबद्ध आन्दोलन गर्ने भन्दै सन्दिप कुमार साहको संयाोजकत्वमा अभिभावक संघर्ष समिति गठन गरेका थिए ।त्यहि समितिले सोमबार १४ बुदे माग सहितको ज्ञापनपत्र प्रजिअ ढकाल र मेयर सिंहलाइ बुझाएको समितिका संयोजक सन्दिप साहले जानकारी दिए ।

साहका अनुसार , ज्ञापनपत्र मार्फत उच्च अदालतको फैसला विरुद्ध निजी विधालयले गरेको शुल्क वृद्धि फिर्ता गर्नु पर्ने , हरेक वर्ष पाठ्यक्रम परिवर्तन गर्ने प्रवृति रोक्नु पर्ने , धरौटी शुल्क लिने निर्णय खारेज गर्नु पर्ने , नयाँ भर्र्ना शुल्क नियमानुसार हुनु पर्ने , पोशाक अभिभावकले आफुखुशी पसलबाट किन्न पाउनु पर्ने , सबै नीजी विधालयमा अभिभावक भेला गरि व्यवस्थापन समिति गठन गर्नु पर्ने लगायतका मागहरु पुरा गराउन पहल गरिदिन आग्रह गरिएको छ ।

नेपालको कानुन र अदालतको फैसला विरुद्ध शुल्क वृद्धि गरि असुल्ने नीजी विधालयहरुलाइ कार्वाही गर्न पनि माग गरिएको संयोजक साहले बताए ।

प्रजिअ ढकाल र मेयर सिंहलाइ ज्ञापनपत्र बुझाउदै आफना मागहरु सम्बोधन नगरिए अभिभावकहरु चरणबद्ध आन्दोलनमा उत्रिने चेतावननी पनि दिइएको संयोजक साहले जानकारी गराए ।ज्ञापनपत्र पत्र बुझेपछि प्रजिअ ढकाल र मेयर सिंह दुवैले अभिभावकको मागहरु जयज भएकाले यस बारे विधालयका सन्चालक र उनिहरुको छाता संगठनसंग छलफल गरेर समस्या सामधानका लागि पहल गर्ने प्रतिबद्धता जनाएको साहले बताए ।