वीरगंज संजाल
वीरगंज। खल्तीमा राखेको स्मार्टफोनको कीप्याड आफै थिचिएर अरुलाई फोन कल गएको अनुभव तपाईंसँग पनि होला । यसलाई बट डायल भनिन्छ ।
यस्तो क्षण कहिलेकाहिँ एकदमै लाजमर्दाे बनाइदिन्छ । तपाईंको ब्यालेन्स पनि यस्तो बेला खेर गइरहेको हुन्छ । आज हामी तपाईंलाई बट डायलिङबाट बचाउने केही उपाय बताउने छौं ।
बट डायलिङबाट बच्ने सबैभन्दा पहिलो उपाय भनेको फोनलाई लक गर्नु नै हो । सामान्यत: मानिसहरु आफ्नो फोनलाई अनलक नगरी झोलामा राख्ने गर्छन् । स्क्रिन अफ नहुने हुँदा स्क्रिनमा जतासुकै थिचिएर फोन जाने, टेक्स्ट लेखिने हुनसक्छ ।
यसबाहेक फोनमा पासवर्ड तथा फिङ्गर वा फेस स्क्यानर राख्नुभयो भने यो बट डायलिङबाट बच्न अझ सजिलो हुन्छ ।
कहिलेकाहिँ फोनलाई लक गरेर राख्दा समेत बट डायल भइरहेको हुन्छ । कुनै कुनै सेटिङहरुले फोनलाई खल्तीभित्र अचानक अनलक गरिदिँदा यस्तो समस्या आउन सक्छ । यस्तो बेला तपाईंले अर्को उच्चतम सुरक्षा सेटिङ अपनाउनुपर्ने हुन्छ ।
तपाईंको फोनमा एउटा ट्याप टु वेक भन्ने फिचर हुन्छ । यदि त्यो इनेबल छ भने तपाईंको फोनको पावर बटन प्रेस नगरी फोन अनलक हुन सक्छ ।
यसैले फोनको सेटिङमा ट्याप टु वेकलाई डिसेबल गरिदिनुहोस् । यति भइसकेपछि बट कलिङको समस्या निर्मुल हुन्छ ।
यसका लागि आईफोनमा हुनुहुन्छ भने सेटिङबाट एसेसिबिलिटी हुँदै टचबाट ट्याप टु वेकमा जानुहोस् । आईफोन एक्स तथा त्योभन्दा नयाँ मोडलमा ट्याब टु वेक स्क्रिनमा देखा पर्दछ ।
यस्तै एन्ड्रोइड फोनमा भने सेटिङबाट डिस्प्ले हुँदै लक स्क्रिन डिस्प्ले हुँदै डबल ट्याब टु चेक फोनमा जानुहोस् ।
सामसङ प्रयोगकर्ता हुनुहुन्छ भने सेटिङबाट एड्भान्स फिचर हुँदै मोसन एण्ड जेस्चर्समा जानुहोस् ।
यदि तपाईंको फोनमा पासवर्ड छ भने ट्याप टु वेकले तपाईंको फोनमा बट डायलिङ गराउन सक्दैन । तर फेरि पनि फोनको पावर बटन थिचेर लक गर्न बिर्सनुभयो भने यो समस्या जहाँकाे त्यहीँ हुनेछ ।
त्यसैले भुल्ने बानी छ भने सधै आफ्नो फोनलाई निश्चित समयपछि अटो लक हुने गरी सेटिङ मिलाउनुहोस् ।
आईफोनमा अटोलक सेटिङ राख्नका लागि सेटिङबाट डिस्प्ले एण्ड ब्राइटनेस हुँदै अटोलकमा जानुहोस् ।
यस्तै एन्ड्रोइड प्रयोगकर्ता हुनुहुन्छ भने सेटिङबाट डिस्प्ले एण्ड ब्राइटनेसमा ट्याप गरी त्यहाँभित्र रहेको अटो लकमा ट्याप गरेर आफूलाई इच्छा लागेको समय अनुसार फोनलाई अटोलक हुने गरी सेटिङ मिलाउनुहोस् ।
यस्तै सामसङ फोनका लागि हो भने सेटिङबाट लक स्क्रिन गएर सेक्योर लक सेटिङमा क्लिक गर्नुहोस् ।
एन्ड्रोइड फोनमा त्यस्ता धेरै फिचर छन् जसले फोनलाई अनलक गरिदिन्छ । यस्तैमा एउटा फिचर हो स्मार्ट लकलाई पनि तपाईले डिसेबल गर्नुपर्ने हुन्छ ।
यदि तपाईं गुगलको स्टक भर्सन एन्ड्रोइड प्रयोकर्ता हुनुहुन्छ भने सेटिङबाट सेक्युरिटी हुँदै स्मार्ट लकमा जानुहोस् । यस्तै सामसङमा हो भने सेटिङबाट लक स्क्रिन हुँदै स्मार्ट लकमा जानुहोस् ।
यदि माथिका सबै उपाय अपनाउँदा पनि तपाईंको बट कलिङ जारी नै छ भने आफ्नो होमस्क्रिन अगाडिदेखि नै कन्ट्याक्ट एपलाई कुनै एउटा फोल्डर बनाई लुकाएर राखिदिनुहोस् । साथै विभिन्न किसिमका भ्वाइस असिस्टेन्ट टुलहरुलाई पनि हटाइदिनुहाेस् ।
