वीरगञ्ज । पर्साको निर्वाचन क्षेत्र नं. ४ कालिकामाई गाउँपालिकामा नेपाली कांग्रेसको प्रशिक्षण कार्यक्रम सम्नन्न भएको छ । क्षेत्र अन्तर्गतका वडाका सभापति, सचिव र कोषाध्यक्षहरुको लागि कालिकामाई गाउँपालिकाको वडा नं. १ मुडलीमा शुक्रबार आयोजित प्रशिक्षण कार्यक्रम सम्पन्न भएको हो ।

प्रशिक्षण कार्यक्रमलाई सम्बोधन गर्दै नेपाली कांग्रेसका केन्द्रिय सदस्य रमेश रिजालले संगठन मजबुत भए पार्टी मजबुत हुने भएकोले संगठनलाई बलियो बनाउनु पर्नेमा भन्दै बैशाख मै निर्वाचन हुन सक्ने पनि सम्भावना रहेकोले संगठन निर्माणमा जुटन समेत कार्यकर्ताहरुलाई निर्दैशन दिए ।

नेपाली कांग्रेस प्रतिनिधि सभा क्षेत्र नं. ४ को आयोजनामा भएको कार्यक्रममा फागुन ७ गतेदेखी क्षेत्र अन्तर्गतको ३२ वटै वडामा संचालनमा आउने पार्टीको वडा कार्यालयको लागि बोर्ड र बैग समेत वितरण गरिएको केन्द्रिय सदस्य रिजालले बताए ।

क्षेत्रिय सभापति रमेश पाण्डेको सभापतित्वमा भएको कार्यक्रममा महाधिबेशन प्रतिनिधि बशिष्ठनारायण कुर्मी, बृहस्पति श्रेष्ठ, जिल्ला सदस्य नविन सिंह, क्षेत्रिय सचिव श्रीकान्त यादव लगायतका नेपाली कांग्रेसका नेता तथा कार्यकर्ताहरुलाई प्रशिक्षण दिएका थिए ।