बारा। अमरेस कुमार पाण्डेय । बाराको सिम्रौनगढ़मा क्रिकेट प्रतियोगिता आइतवारदेखि शुरु भएको छ ।दीनबन्धुनाथ युवा क्लबको आयोजना तथा नगर प्रमुख बिजय शंकर यादवको सहयोगमा उक्त प्रतियोगिता सञ्चालन भएको हो ।

वडा नम्बर ९ का वडा अध्यक्ष अरबिन्द प्रसाद यादवको अध्यक्षतामा सम्पन्न प्रतियोगिताको उद्घाटन सिम्रौनगढ़का नगर प्रमुख बिजय शंकर यादवले गरेका हुन । उद्घाटन कार्यक्रममा बिशिष्ट अतिथि, अतिथि लगायत खेलाड़ी, तथा स्थानीयहरुको बाक्लो उपस्थिति रहेको थियो ।

टि ट्वान्टी ढाँचामा भइरहेको प्रतियोगिताको विजेताले रु ५० हजार, ट्रफी र प्रमाणपत्र तथा उपविजेताले रु २० हजार तथा प्रतियोगिताका म्यान अफ द म्याच र म्यान ऑफ द सिरिजलाई पनि प्रमाणपत्र र ट्रॉफी प्रदान गरिनेछ ।

उद्घाटन समारोहको पहिलो खेल बाराको पटेर्वा र बसवरिया क्रिकेट क्लबबीच भएको खेलमा पटेर्वा टीमले बिजयी प्राप्त गरेको जानकारी दीनबन्धुनाथ युवा क्लबका अध्यक्ष राजन यादवले दिए।