विरगंज । मालपोत कार्यालय पर्सा आईतबारबाट खुल्ने भएको छ ।जिल्ला प्रशासन कार्यालय पर्साले सार्वजनिक सेवाप्रवाह गर्ने कार्यालयलाई खोल्न दिने भनी निर्णय गरेसँगै आईतबारबाट मालपोत कार्यालयबाट पनि सेवा सूचारु हुने भएको हो ।

गत भदौ ३१ गते बसेको जिल्ला संकट व्यवस्थापन केन्द्रको बैठकले नागरिकको स्वास्थ्य सम्बन्धी उच्च सतर्कर्ता अपनाएर सार्वजनिक कार्यालय र संघसंस्थाले नियमित सेवा सुचारु गर्ने निर्णय गरेको थियो ।

सोही निर्णय अनुसार मालपोत कार्यालय पर्साका संचालन हुने सम्पूर्ण कारोबार आगामी असोज ४ गते आईतबारबाट सूचारु हुने कार्यालयका निमित्त प्रमुख सुमन कुमार झाले जानकारी दिए ।