स्याङ्जा। स्याङ्जाको कालीगण्डकी गाउँपालिका वडा नम्बर ४ को खहरेमा पहिरो जाँदा एकजनाको मृत्यु भएको छ भने तीनजना बेपत्ता भएका छन् । कालीगण्डकी गाउँपालिका वडा नम्बर ४ को खहरेमा माथिबाट झरेको पहिरोमा पुरिएर तत्कालीन विर्घा गाविस अध्यक्ष इमानसिँह रानाको मृत्यु भएको छ ।उनको मृत शरीरलाई पहिरोबाट निकालिएको पूर्वसांसद शंकरप्रसाद पाण्डेले जानकारी दिए ।

“शवको पोष्टमार्टमका लागि वालिङ पठाइएको छ,” पाण्डेले बाह्रखरीसँग भने, “तीनजनाको अवस्था अज्ञात छ । अहिले पहिरोमा स्थायी, नेपाली सेना र नेपाल प्रहरीले खोजी जारी राखेका छौं ।” बेपत्ता हुनेमा सोही वडाका प्रेमचन्द्र पाण्डे, टीका थापा र गिमानसिँह थापा रहेको सोही वडाका वडाध्यक्ष चक्रपाणि पाण्डेले जानकारी गराए ।
पहिरोमा परेर सोही ठाउँका होमनाथ पाण्डे (किसान) र गिरबहादुर राना घाइते भएका छन् । उनीहरुको स्थानीय स्वास्थ्य चौकीमा उपचार भइरहेको छ ।

तस्बिर सौजन्य : शंकरप्रसाद पाण्डे