काठमाडौं । स्पेनिस महारथी रियाल मड्रिडले ला लिगा फुटबलको जारी सिजनमा पहिलो हार ब्यहोरेको छ । गएराती सम्पन्न खेलमा आरसिडी मलोर्कासँग खराब प्रदर्शन गरेसँगै रियालले जारी सिजनमा पहिलो हार ब्यहोरेको हो । इडेन हजार्ड र ग्यारेथ बेल बिना नै मैदान उत्रिएको रियाल खेल सुरु भएको ७ औं मिनेटमा पछि परेको थियो ।

आरसिडी मलोर्काका लागो जुनियरले गोल गरेपछि दबाबमा परेको रियालले बाँकी समयमा पनि उत्कृष्ट खेल्न सकेन । दोस्रो हाफमा आक्रमक देखिए पनि अवसर सदुपयोग गर्न सकेन । उल्टै ७४ औं मिनेटमा १० खेलाडीमा सीमित भएको थियो ।

फाउल गरेपछि अल्भारो रातो कार्डको सामना गर्दै मैदानबाट बाहिरिएका थिए । त्यसपछिको बाँकी समय रियाल खेलमा फर्किन सकेन र पराजित भयो । पराजित भएपनि रियाल ला लिगाको दोस्रो स्थानमा छ । ९ खेलबाट १८ अंक भएको रियालको बार्सिलोना भन्दा एक अंक कम छ । बार्सिलोना शिर्षस्थानमा छ ।