बर्दिया । भारतीय नेटवर्किङ कम्पनी ओरियन्सको सदस्य बनेर ठगिएका नेपालीको विवरण जिल्ला प्रहरी कार्यालय बर्दियाले संकलन गरिरहेको छ ।

ओरियन्सबाट ठगिएका केही प्रहरीको सम्पर्कमा आइसकेका छन् ।

ठगिएको भन्दै उनीहरुले दिएको बयानका आधारमा प्रहरीले अनुसन्धान अघि बढाएको छ ।

प्रहरीको सूचीमा ओरियन्सको धेरै सदस्य बनाएर फाइभ डाइमन्ड पदसम्म पाएका पनि छन् ।

बाँके, बर्दिया, कैलाली, कञ्चनपुर, महेत्तरी, झापा, मोरङसम्म सञ्जाल फैलाएको अ‍ेरियन्सले बोरोजगारलाई छोटो समयमा धनी बन्ने सपना देखाएर लाखौं रुपैयाँ असुली ठगीधन्दा चलाइरहेको पीडितहरुले बताएका छन् ।

सीमावर्ती जिल्लाका गाउँबस्तीमा ओरियन्सको सञ्जाल निकै फैलिएको समाचार आजको नागरिक दैनिकले पहिलो पृष्ठमा छापेको छ ।