Krishna Shrivastav

वीरगंज । बारामा धान रोपाइँ गर्न खेतमा जडान गरिएको आधा दर्जन भन्दा बढी विद्युतीय मोटर र दमकल चोरी भएको छ । बाराको महागढीमाई नगरपालिका वडा नं. ३ र १० बाट मोटर र दमकल चोरी भएको पीडित किसानले बताएका छन । धान खेत सिँचाइ गर्न खेतमा राखिएको विद्युतीय मोटर र दमकल चोरी भएको हो । महागढीमाई नगरपालिका–१०, गञ्जभवानीपुरस्थित प्रहरी चौकीदेखि पाँच सय मिटर दुरी रहेका खेतमा विद्युतीय मोटरबाट सिँचाइ गरिरहेको अवस्थामा मोटर चोरी हुँदा दुःख लागेको पीडित किसान कुइस राउत अहिरले बताउनुभयो । उहाँका अनुसार रातिको १० बजे मोटर जडान गरी धान खेतमा पानी

वीरगंज । नेपाल शिक्षक महासंघ केन्द्रीय कार्य समितिको आहवानमा पर्साका शिक्षकहरु पनि आन्दाेलित भएका छन् । संघीय शिक्षा ऐन २०८० को मस्यौदाको विरोधमा पूर्व घोषित आन्दोलनकाे कार्यक्रम अन्तर्गत पर्साका १४ पालिकाकाे कार्यालयमा आइतबार शिक्षकहरु धर्ना दिनुकाे साथै पालिकामा ज्ञापन पत्र समेत बुझाएका छन् । नेपाल शिक्षक महासंघको पहिलाे चरणकाे धर्ना र ज्ञापनपत्र बुझाउने कार्यक्रम अन्तर्गत पकहा मैनपुर गाउँपालिकामा आन्दाेलनकाे कार्यक्रम सम्पन्न भएकाे शिक्षक विकाश पाण्डेले वताए । शिक्षक महासंघ पकहा मैनपुर गाउँपालिकाकाे आयाेजना गाउँपालिका कार्यालय पकहाँ मैनपुरमा धर्ना दिनुकाे साथै ज्ञापन पत्र समेत बुझाइएकाे उनले जानकारी दिए । यसैगरी कालिकामाइ

वीरगंज । बारामा १४ वर्षीया बालिकालाई जबरजस्ती करणी गरेर फरार भएका एक अभियुक्तलाई प्रहरीले पक्राउ गरेको छ। पक्राउ पर्नेमा बाराको करैयामाई गाउपालिका वडा नम्बर ४ का २६ वर्षीय पन्नालाल पासवान रहेका छन्। प्रहरीका अनुसार पासवानले गत पुस १६ गते रातिको समयमा गाँउकै १४ बर्षीया बालिकालाई जबरजस्ती करणी गरी फरार भएका थिए। पासवानलाई काठमाडौं-३ बसुन्धारामा लुकिछिपी बसेको अवस्थामा प्रहरी टोलीले फेला पारी पक्राउ गरेको बाराका प्रहरी उपरीक्षक हाेविन्द्र बाेगटीले जानकारी दिए। पक्राउ परेका पासवानलाई बारा जिल्ला अदातलबाट ५ दिनको म्याद थप गरी अनुसन्धान प्रक्रिया अगाडि बढाइएको उनले बताए।

वीरगंज । उपराष्ट्रपति रामसहाय प्रसाद यादव आज साेमबार चीन भ्रमणमा जाँदै छन्। उपराष्ट्रपति यादव ‘चाइना– साउथ एसिया एक्सपो’मा सहभागी हुन साेमबार अपरान्ह सवा ४ बजे चीन प्रस्थान गर्ने परराष्ट्र मन्त्रालयले जनाएको छ। उपराष्ट्रपतिमा निर्वाचित भएपछि यादवको यो पहिलो विदेश भ्रमण हो। प्रधानमन्त्री पुष्पकमल दाहालको चीन भ्रमणको तयारी भइरहेका बेला त्यसअघि नै उपराष्ट्रपति यादव चीन जान लागेका हुन्। साउन ३१ गतेदेखि भदौ ३ गतेसम्म सञ्चालन हुने एक्स्पाेमा यादव सहभागी हुनेछन्। चीन भ्रमणमा उपराष्ट्रपति यादवसँगै उनकी धर्मपत्नी चम्पादेवी यादव, उपराष्ट्रपति कार्यालयका सचिव मधुसुदन बुर्लाकोटी, स्वकीय उपसचिव शत्रुधन यादव, निजी चिकित्सक विक्रम सिलवाल,

वीरगंज । बाराकाे कलैयास्थिथ जिल्ला प्रहरी कार्यालयमा आइतबार रक्तदान कार्यक्रम सम्पन्न भएकाे छ । प्रहरी कार्यालय परिसरमा भएकाे रक्तदान कार्यक्रममा ६८ जनाले रगत दान गरेका छन् । नेपाल प्रहरी श्रीमती संघको ३९औं वार्षिकोत्सवको अवसरमा आयोजित कार्यक्रममा एक महिलासहित ६८ जनाले रगत दान गरेका हुन् । प्रादेशिक अस्पताल कलैया र नेपाल रेडक्रस सोसाइटीको प्राविधिक सहयोगमा आयाेजित रक्तदान कार्यक्रममा नेपाल प्रहरी , सशस्त्र प्रहरी , नेपाली सेना , विभिन्न संघसंस्था का प्रतिनिधि लगायतले रगत दान गरेका हुन् । रक्तदान कार्यक्रममा बाराका प्रमुख जिल्ला अधिकारी नवराज सापकोटा , प्रहरी उपरीक्षक होबिन्द्र बोगटी, प्रहरी

वीरगंज । नेपाल शिक्ष्Fक महासंघ छिपहरमाई गाउँपालिका, पर्साले आज छिपहरमाई गापा कार्यालय अगाडि धर्ना दिएका छन् । नेपाल शिक्षक महासंघ राष्ट्रिय समितिद्वारा घोषित आन्दोलनको कार्यक्रम अनुसार पालिकास्तरको धर्ना कार्यक्रम गरिएको हो । धर्ना कार्यक्रममा सो गापाका शिक्षकहरुले गापा कार्यालयमा धर्ना दिएका थिए । ज्ञापनपत्रमा नेपाल शिक्षक महासंघ देशको शिक्षाको विकास तथा नेपाली शिक्षक–कर्मचारीको पेसागत हकहितको प्राप्ति र संरक्षणका पक्षमा काम गर्ने पेसागत छाता संस्था हो । नेपाली शिक्षक–कर्मचारीको पेसागत हकहित र उन्नत विद्यालय शिक्षाको विपक्षमा हुने कुनै पनि षडयन्त्र अभियान र प्रयत्नहरूको विरोधमा उभिनु यसको कर्तव्य नै हो । अहिले

वीरगंज । धनुषामा अवैध बालुवा उत्खनन गरी रहेको अवस्थमा प्रहरीले दुईवटा ट्याक्टर नियन्त्रणमा लिएको छ । मिथिला नगरपालिकास्थित रातो नदीमा अवैध रूपमा उत्खनन गरिरहेको अवस्थामा दुईवटा ट्याक्टर नियन्त्रणमा लिएको प्रहरीले जनाएको छ । इलाका प्रहरी कार्यालय ढल्केवरबाट खटेको प्रहरी टोलीले अवैध उत्खनन कार्यमा संलग्न ट्याक्टर नियन्त्रणमा लिएको हो । प्रहरीले अन्य स्थानमासमेत अबैध बालुवा उत्खनन भएको जानकारी भए सूचना दिन आग्रह गरेको छ ।नियन्त्रणमा लिएका ट्याक्टर इलाका प्रहरी कार्यालय ढल्केवर धनुषामा ल्याई थप अनुसन्धान भइरहेको प्रहरीले जनाएको छ ।