Krishna Shrivastav

जनकपुरधाम । जनकपुरधामस्थित रहेको न्यूरो हस्पिटलमा चिकित्सकको लापरवाहीले एक बालकको मृत्यू भएको आरोप परिवारजनले लगाएको छ । हस्पिटलले डिस्चार्ज गर्नेवित्तिकै गम्भीर बिरामी परेका एक बालकको मृत्यु भएपछि आफन्तले डाक्टरको लापरवाहीको आरोप लगाएका छन् । हस्पिटलले डिस्चार्ज गर्नेवित्तिकै गम्भीर बिरामी परेका धनुषाको धनुषाधाम नगरपालिका वडा नम्बर ६ मालटोल बस्ने ४ वर्षीय जेम्स कालिकोटेको बिहीबार विहान मृत्यु भएपछि आफन्तले चिकित्सकको लापरबाही भन्दै शव उठाउन मानेका छैनन् । मृतक बालकका मामा सुनिल परियारका अनुसार बुधबार बिहान बालकले एक्कासी बान्ता गरेका थिए । रुघाखोकी जस्तो देखिएर स्वास्थ्यमा समस्या देखिएपछि बाल रोग विशेषज्ञ डा। शशिभूषण

सिरहा । मधेश प्रदेशका श्रम तथा यातायात मन्त्री चन्दन कुमार सिँहले सिरहास्थित रहेको कमल दहको विकासको लागि प्रतिवद्ध रहेको बताए । सिरहाको मिर्चैया नगरपालिका वडा नम्बर ९ स्थित रहेको पौराणिक एवं धार्मिक पर्यटकीय स्थल कमलदहमा दशकौंदेखि लाग्दै आएको मेलालाई विहिबार उदघाटन गर्न पुगेका मन्त्री सिँहले कमल दहलाई सौन्दर्यीकरण मार्फत विकासको पहल गर्ने प्रतिवद्धता जाहेर गरे । उनले मधेश सरकारसँग छलफल गरी विकासको योजना दिने बताए । हरिबोधिनी एकादशीको दिनदेखि तीन दिनसम्म लाग्ने ऐतिहासिक कमलदह मेला विहिबारदेखि सुरु भएको हो । मेलामा कुस्ती, सांस्कृतिक, मनोरञ्जनात्मक लगायतका विभिन्न किसिमका कार्यक्रम आयोजना गरिएको

वीरगंज ।  नेपाल प्रहरीको साइबर ब्यूरोले प्रविधिको दुरुपयोग नगर्न नगराउन अनुरोध गरेको छ । मङ्गलवार एक सूचना जारी गर्दै ब्यूरोले सामाजिक सञ्जाल टिकटकमाथि प्रतिबन्ध लागेपछि भीपीएन र डीएनएसको प्रयोग बढेको र मार्फत आर्थिक दुरुपयोगका घटना बढिरहेको दाबी गर्दै यस्तो आग्रह गरेको हो ।   ‘टिकटक भीपीएन र डीएनएस जस्ता असुरक्षित अवैध माध्यमबाट सञ्चालनमा छ भन्ने सूचना आएको छ,’ब्यूरोले दाबीका साथ भनेको छ, ‘भीपीएन र डीएनएस प्रयोगले प्रयोगकर्ताको डिभाइसमा रहेका महत्त्वपूर्ण डेटा, व्यक्तिगत विवरण, बैंकिङ विवरणहरू समेत पहुँच पुर्‍याई चोरी भई आर्थिक दुरुपयोगका घटना साइबर सुरक्षाको दृष्टिकोणले समेत बढिरहेको पाइएको छ ।’

बारा । बाराको कलैयास्थित रिलायन्स चिनी मिलले उखु क्रसिङका लागि तयारी थालेको छ । मिलले आगामी मंसिर २२ गते विधिवत् रूपमा पूजाआजा गरेर उखु क्रसिङ सुरु गर्ने जनाएको छ । कलैया उपमहानगर वडा नम्बर १६ श्रीपुरस्थित सो चिनी मिलमा बारा र पर्साका करिब १० हजार उखु किसानले उखु क्रसिङ गर्ने बताइएको छ । उद्योगभित्रका मेसिनहरूको सरसफाइ गर्ने र पार्टपुर्जा फेर्ने काम ९० प्रतिशत सकिएको मिलले जनाएको छ । मिलका कार्यकारी निर्देशक शैलेन्द्र कुमारले यस वर्ष उखुको उत्पादन राम्रो भएकोले गत वर्ष भन्दा छिटो मिल सञ्चालन गर्ने तयारी भएको जानकारी दिए

काठमाडौँ । बबरमहलस्थित वन तथा भू–संरक्षण विभाग परिसरमा तस्करबाट बरामद भएको २ ट्रक रक्तचन्दन अलपत्र अवस्थामा रहेको वर्षौँ भइसकेको छ । उक्त रक्तचन्दन लोड भएको गाडीको सुरक्षाका लागि सशस्त्र प्रहरीको पोस्ट नै खडा गरिएको छ, जहाँ झन्डै २ दर्जन सुरक्षाकर्मीले सुरक्षा प्रदान गर्दै आइरहेका छन् । देशभर १५ वर्षभन्दा अगाडिदेखि तस्करहरूबाट बरामद गरिएको २ लाख ११ हजार ५४ किलो रक्तचन्दन अलपत्र अवस्थामा छ । वन तथा भू–संरक्षण विभागका अनुसार विभिन्न मितिमा गरी २ लाख ६७ हजार ९ सय ६१ केजी रक्तचन्दन बरामद भएको थियो । विभिन्न २० जिल्लामा यो परिमाणमा

बारा । बाराको पचरौतामा झडप हुदा ८ राउण्ड गोलि हवाईफायर गरीएको छ । शान्ति सुरक्षा कायम गराउन गोलि फायर भएको जिल्ला प्रहरी कार्यालय बारा, कलैयाका प्रवक्ता तथा सुचना अधिकारी प्र.ना.उ. दधिराम न्यौपानेले बताएका छन ।   सोमवार रति क़रीब १० बजेको समयमा जिल्ला बारा पचरौता नगरपालिका वडा नं.०७ बेनौली स्थित झण्डा मेला लगाउने विषयलाई लिएर तेही बस्ने गाउँका दुबै पक्ष गरी सैयौं मानिसहरू विच उक्त विषयलाई लिएर वादविवाद भई ढुङ्गा मुढा हनाहान तथा झडप समेत भएको हुँदा उक्त स्थानमा तत्काल प्रहरी टोली खटिगई हेर्दा अवस्था तनावग्रस्त रहेको र केही व्यक्ति

वीरगंज । छठ पर्वको मुख्य दिन आज बेलुका अस्ताउँदो सूर्यको पूजा आराधना गरी अर्घ्य दिइन्छ र भोलि बिहान उदाउँदो सूर्यलाई अर्घ्य दिएपछि यस वर्षको छठ पर्व विधिपूर्वक समापन हुन्छ । वर्तालुले आज रातभर जाग्राम बसेर भोलि बिहान उदाउँदो सूर्यलाई अर्घ्य दिन्छन् । आज सप्तमी तिथि भए पनि भोलि बिहान उदाउँदो सूर्यको पूजा आराधनासहित अर्घ्य दिएर छठ पर्व समापन हुने संस्कृतिविद् डाक्टर वीरबहादुर महतोले जानकारी दिनुभयो । कात्तिक शुक्ल चतुर्थीदेखि सप्तमीसम्म छठ पर्व मनाउने गरिन्छ । यो परम्पराअनुसार अस्ति चतुर्थीदेखि छठपर्व शुरु भएको हो । यसपालि तिथिको घटबढका कारण हिजो पञ्चमी

वीरगंज | सरकारले नेपालको इन्टरनेटमा टिकटक बन्द गरेसँगै कैयौँ सामाजिक सञ्जाल प्रयोगकर्ताहरूले भीपीएन प्रयोग गरेर टिकटक चलाउन सकिने अनुभव सुनाइरहेका छन्। सरकारको निर्णयप्रति असन्तुष्ट केही सामाजिक सञ्जाल प्रयोगकर्ताहरूले त भीपीएनको चोर बाटो प्रयोग गर्दै टिकटक चलाएर चुनौती दिने घोषणा समेत गरे। इन्टरनेट सेवा प्रदायकहरूले बन्द गरे पनि कतिपयले नेपालबाटै टिकटकमा नयाँ भिडिओहरू अप्लोड गरिरहेको हुनाले नेपालमा भीपीएनको प्रयोगबाट गरेर टिकटक चलाएको अनुमान लगाउन सकिने जानकारहरू बताउँछन्। भीपीएन के हो भर्चूअल प्राइभेट नेटवर्क अर्थात् भीपीएन विशेषतः हामीले प्रयोग गर्ने उपकरण र अन्य कम्युटरबीच इन्टरनेटको सुरक्षित सञ्जाल स्थापित गर्ने प्रविधि हो। साधरणतया

वीरगंज | आज छठ पर्वको मुख्य दिन, सूर्यको आराधना, उपासना र पूजा गरी उल्लासपूर्वक मनाइँदैछ । तराई–मधेसका सबै जिल्ला, काठमाडौँसहितका विभिन्न ठाउँमा आज छठ पर्वको विशेष रौनक छ । छठको अवसरमा सरकारले आज सार्वजनिक बिदा दिएको छ । व्रतालुहरू आज पानीसमेत नखाइकन निराहार बस्दछन् । साँझपख नजिकैको पोखरी, तलाउ, इनार, कुवा जस्ता जलाशयमा गई अस्ताउँदो सूर्यको पूजा गर्दछन् । छठको दिन सूर्यलाई चढाउनका लागि बनाइएका सामग्रीहरू घाटमा लगेर पालैपालो पानीमा डुबाई सूर्य देवतालाई चढाउँदछन् । प्रातःकालीन अर्घका लागि केही व्रतालुहरू आज रातभर पानीमा बसेर सूर्य नउदाउन्जेल सम्म पूजा गर्दछन् भने

वीरगंज । छठ पर्बको उपलक्ष्यमा वीरगन्जस्थित घडीअर्वा पोखरी छठघाट परिसरमा शुक्रबार रक्तदान कार्यक्रमममा ५७ जनाले रगतदान गरेका छन् । घडीअर्वा छठ पूजा व्यवस्थापन समितिको समन्वयमा घडीअर्वा स्पोर्ट क्लबले आयोजना गरेको रक्तदान कार्यक्रममा तीन महिला सहित ५७ जनाले रगत दान गरेका हुन् । घडीअर्वा छठघाट परिसरमा आयोजित रक्तदान कार्यक्रममा प्रनिषा गुप्ता,सिता दाहाल, खुशी श्रेष्ठ सुशील साह कानु , प्रभाकर गुप्ता , मनोहर साह ,रोहित बर्णवाल,सुरज साह सोनार,जितेन्द्र सिंह ,लखनलाल गुप्ता , सन्देश महतो, सन्तोष साह ,ओमप्रकाश गुप्ता, अंशु कुमार कानु, ओमप्रकाश बर्णवाल लगायतका रहेको रक्त सन्चार केन्द्र वीरगन्जका प्राविधीक प्रमुख सौरभराज

वीरगंज । जिल्ला प्रहरी कार्यालय पर्साले हजारका ३८ थान नेपाली नक्कली नोटसहित २ जनालाई पक्राउ गरेको छ । चाडबाडको मौका छोपी नेपाली जाली नोटको कारोबारमा मौलाएको सूचना प्राप्त भएपछि प्रहरीको विशेष टोलीले चलाएको जाँचको क्रममा २ जनालाई पक्राउ गरेको हो । प्रहरीको टोलीले बाराका उमेश कुमार र पर्साका रिषि पटेललाई पक्राउ गरेको जनाएको छ । दुबै जनालाई घण्टाघरबाट पक्राउ गरिएको प्रहरीले जनाएको छ । उनीहरुको साथ एक हजारको ३८ थान नक्कली नोट बरामद भएको प्रहरीले बताएको छ । खोटा चलन सम्बन्धी मुद्दा अन्तर्गत म्याद थप गरेर अनुसन्धान प्रक्रिया अगाडि बढाइएको

वीरगंज । नेपालमा सरकारले टिकटकमाथि लगाएको प्रतिबन्धविरूद्ध सर्वोच्च अदालतमा रिट परेको छ । गत कार्तिक २७ गते बसेको मन्त्रिपरिषद बैठकले टिकटकमाथि प्रतिबन्ध लगाउने निर्णय गरेको थियो। सरकारको उक्त कदमविरूद्ध अधिवक्ता दिनेश त्रिपाठी सर्वोच्च पुगेका हुन्। त्रिपाठीले शुक्रबार सर्वोच्चमा रिट दिएका हुन्। ‘टिकटक प्रतिबन्ध गर्ने मन्त्रिपरिषदको निर्णय बदरका लागि रिट दिएको छु, दर्ताको प्रक्रियामा छ,’ त्रिपाठीले भने।सामाजिक सद्भाव बिग्रिन थालेकाले टिकटक बन्द गर्ने निर्णय गरिएको सरकारको भनाइ थियो। टिकटकबाट पारिवारिक सम्बन्ध र सामाजिक सद्भाव बिगार्ने काम भएकाले त्यसलाई बन्द गर्ने निर्णय सरकारले गरेको हो ।