बारा । बाराको पचरौतामा झडप हुदा ८ राउण्ड गोलि हवाईफायर गरीएको छ । शान्ति सुरक्षा कायम गराउन गोलि फायर भएको जिल्ला प्रहरी कार्यालय बारा, कलैयाका प्रवक्ता तथा सुचना अधिकारी प्र.ना.उ. दधिराम न्यौपानेले बताएका छन ।
 
सोमवार रति क़रीब १० बजेको समयमा जिल्ला बारा पचरौता नगरपालिका वडा नं.०७ बेनौली स्थित झण्डा मेला लगाउने विषयलाई लिएर तेही बस्ने गाउँका दुबै पक्ष गरी सैयौं मानिसहरू विच उक्त विषयलाई लिएर वादविवाद भई ढुङ्गा मुढा हनाहान तथा झडप समेत भएको हुँदा उक्त स्थानमा तत्काल प्रहरी टोली खटिगई हेर्दा अवस्था तनावग्रस्त रहेको र केही व्यक्ति घाईते समेत भएकोले झडपलाई समान्य बनाउनको लागि क़रीब ११ बजेको समयमा २ (दुई) राउण्ड गोलि हवाईफायर गरी

भीडलाई तितर बितर पारि अवस्था समान्य बनाईएको, पुन: ऐ. ११:४५ बजेको समयमा दुबै पक्ष विच एक आपसमा ढुङ्गा मुढा हनाहान हुँदा पुन: प्रहरीद्वारा ५ (पाँच) राउण्ड, ऐ.११:५५ बजेको समयमा १ (एक) राउण्ड गरी जम्मा ८ (आठ) राउण्ड गोलि हवाईफायर गरी भिडलाई तितर बितर पारि तत्कालको लागि अवस्था समान्य बनाईएको र हालसम्म निम्न २ (दुई) जना व्यक्तिहरु ढुङ्गा मुढा हनाहानबाट घाईते समेत भएका छन । जसमा जिल्ला बारा पचरौता न.पा. ७ बेनौली बस्ने क़रीब ४० वर्षको लक्ष्मी पटेल र जिल्ला बारा पचरौता न.पा. ७ बेनौली बस्ने क़रीब ४२ वर्षको चण्डीका पटेल रहेको जिल्ला प्रहरी कार्यालय बारा, कलैयाका प्रवक्ता तथा सुचना अधिकारी प्र.ना.उ. दधिराम न्यौपानेले बताएका छन ।