सप्तरी । सप्तरीमा सिटी रिक्सा आफै अनियन्त्रित भएर दुर्र्घटना हुँदा तीनजना घाइते भएका छन् ।
बिहिबार दिउँसो करिब १२ बजे कंचनरुप नगरपालिका ८ बेरियर चोक नजिक पुर्व पश्चिम लोकमार्गमा प्र २–०१–००१ ह १२९१ नम्बरको सिटी रिक्सा आफै अनियन्त्रीत भई पल्टँदा तीनजना घाइते भएको जिल्ला प्रहरी कार्यालय सप्तरीले जनाएको छ ।
दुर्घटनामा परेर कंचनरुप ८ बस्ने ५१ वर्षीय बिजुली चौधरी, वडा नं. २ बस्ने ४० वर्षीया जैदुन खातुन र वडा नं. ६ बस्ने ५० वर्षीया सुनिता पंडित रहेको प्रहरी प्रवक्ता प्रहरी नायव उपरीक्षक नरेशकुमार सिंहले जानकारी दिए । सिटी रिक्सा र चालक प्रहरी नियन्त्रणमा रहेको जिल्ला प्रहरी कार्यालयले जनाएको छ ।
