धनुषा । धनुषामा ट्याक्टरले मोटरसाइकलमा ठक्कर दिँदा दुईजनाको मृत्यु भएको छ।मृत्यु हुनेमा लक्ष्मीनिया गाउँपालिका ४ सपही बस्ने वर्ष ४५ का रामएकवाल ठाकुर र वर्ष ६० का सत्यनारायण साह रहेको प्रहरीले जनाएको छ ।

जनकपुर ढल्केवर सडक खण्डको लक्ष्मीनियामा आज राति ९ बजे ट्याक्टरले ठक्कर दिँदा मोटरसाइकलमा सवार दुवैजनाको घटनास्थलमै मृत्यु भएको हो ।

घटना विषयमा विस्तृत विवरण खुल्न बाँकी छ । दुबैजनाको शव पोस्टमार्टमका लागि प्रादेशिक अस्पताल जनकपुरमा राखिएको छ ।