रौतहट । रौतहटमा पिकअप भ्यानको ठक्करबाट पैदलयात्रीको मृत्यु भएको छ।जिल्लाको गरुडा नगरपालिका-५ चिनीमिलस्थित गौर-चपुर सडकमा प्र २-०३-००१ च ३९०४ नम्बरको पिकअप गाडीको ठक्करबाट पैदलयात्री गढीमाई नगरपालिका-८ इर्नवा बस्ने ६५ वर्षीय अनुप राय यादवको बिहीबार दिउँसो मृत्यु भएको हो।

ठक्करबाट गम्भीर घाइते भएका उनको झाजपुलस्थित आयुष्मान हस्पिटलमा सामान्य उपचार पश्चात् एलएस न्यूरो हस्पिटल वीरगंजमा थप उपचारको क्रममा मृत्यु भएको हो।

पिकअप गाडी र चालकलाई नियन्त्रणमा लिई यस सम्बन्धमा प्रहरीले थप अनुसन्धान गरिरहेको छ।