वीरगंज । आसन्न प्रतिनिधिसभा र प्रदेशसभाको निर्वाचनमा सिमानाकाकाे सुरक्षा व्यवस्थाकाे बिषयमा दुई देशका सिमा प्रहरी बिच बिहिबार वीरगञ्जमा छलफल तथा समन्वय बैठक सम्पन्न भएकाे छ । वडा प्रहरी कार्यालय विर्ता अन्तर्गतका वीरगञ्ज महानगरको मुख्य सिमा प्रहरी कार्यालयहरु र भारत विहार राज्य, रक्सौल सिमाका प्रहरी कार्यालयका प्रतिनिधिहरुविच छलफल तथा परिचय कार्यक्रम सम्पन्न भएकाे वडा प्रहरी कार्यालय विर्ताका प्रहरी निरिक्षक विशाल मल्लले वताए ।

वडा प्रहरी कार्यालय विर्तामा भएकाे बैठकमा सिमानाकाहरुको सुरक्षा लगायत दुवै देशका प्रहरीहरुबीच सहयोग आदान-प्रदान र सिमा अपराध नियन्त्रण गर्ने विषयमा छलफल भएकाे प्रहरी निरिक्षक मल्लले जानकारी दिए ।

उक्त छलफलमा प्रहरी निरीक्षक मल्लको नेतृत्वमा मातहतका सिमा प्रहरी चौकी नगवा, इनर्वा, छपकैया, सिर्सिया, इनर्वागाँउ र भारत विहार राज्य, रक्सौल प्रहरी कार्यालयका तर्फबाट सब डिभिजन पाेलिस अफिसर रक्साैलका (एएसपि) श्रीचन्द्र प्रकाश (आइपिएस) को नेतृत्वमा रक्सौल, अदापुर, महुवा, हरपुर, भेलही र हरैया थानाका थाना प्रभारीहरुको सहभागिता रहेको थियाे ।