वीरगंज । चिनियाँ राष्ट्रपति सी चिनफिङ र रुसी राष्ट्रपति भ्लादिमिर पुटिनले बिहीबार पुरानो उज्बेक सिल्क रोड सहरमा युक्रेन युद्ध, ताइवानमाथिको तनाव र चीनको बढ्दो महाशक्ति र रुसको प्राकृतिक स्रोतको टाइटनबीचको गहिरो साझेदारीबारे छलफल गर्न भेटमा छन् । कोभिड १९ को महामारी शुरु भएपछि चीन बाहिरको आफ्नो पहिलो भ्रमणमा सी बुधबार मध्य एसियाली मुलुक कजाखस्थान पुगेका थिए । कम्युनिष्ट पार्टीले माओ त्से तुङ पछिको सबैभन्दा शक्तिशाली चिनियाँ नेताको रूपमा आफ्नो स्थान कायम राख्ने तयारीको करिब एक महिनाअघि सी मध्य एसियाको भ्रमणमा गएका हुन् ।

रुसी प्रतिनिधिमण्डलले मिडियालाई वितरण गरेको तालिका अनुसार सी र पुटिन बिहीबार दिउँसो समरकन्दमा भेट्ने कार्यक्रम रहेको थियो । ‘राष्ट्रपतिहरूले द्विपक्षीय एजेन्डा र मुख्य क्षेत्रीय र अन्तर्राष्ट्रिय विषयहरूमा छलफल गर्नेछन्,’ पुटिनका विदेश नीति सहयोगी युरी उशाकोभले मंगलबार मास्कोमा पत्रकारहरूलाई भनेका थिए । उशाकोभले दुवै नेताले युक्रेन र ताइवानको बिषयमा बैठकमा छलफल गर्ने बताएका थिए । यी दुवै मामिला भूराजनीतिक अवस्थालाई ध्यानमा राख्दै विशेष महत्वका छन् ।

यसअघि सी र पुटिनले फेब्रुअरी २४ मा युक्रेनमा आक्रमण गर्नुभन्दा केही हप्ता अघि भेटेका थिए । उनीहरूले सीमा साझेदारी र पश्चिम विरुद्ध थप सहकार्य गर्ने प्रतिबद्धता व्यक्त गरेका थिए । उज्बेकको सहर समरकन्दमा जारी सांघाई सहयोग संगठन (एससीओ) को सम्मेलनमा सहभागी हुनका लागि भारतीय प्रधानमन्त्री नरेन्द्र मोदी आज (बिहीबार) त्यसतर्फ जाँदै छन् । रुसी राष्ट्रपति भ्लादिमिर पुटिन, चिनियाँ राष्ट्रपति सी, इरानका राष्ट्रपति इब्राहिम राइसीलगायतका नेताहरु उज्बेकिस्तानमा पुगिसकेका छन् । यो सम्मेलन आज र भोलि चल्नेछ ।