काठमाडौं । मेरिलेबोन क्रिकेट क्लब (एमसीसी)ले नेपालविरुद्धको तीन दिवसीय क्रिकेटको पहिलो दिनको खेलमा राम्रो प्रदर्शन गरिरहेको छ । ५९ ओभरको खेल सकिँदा एमसीसीले २३३ रन पूरा गरेको छ । नेपाल भ्रमणमा रहेको एमसीसीले हाल सम्म चार विकेट गुमाइसकेको छ । खेलमा अहिले टी ब्रेक चलिरहेको छ ।

एमसीसीका लागि विल रोर्डस अर्धशतकपूरा गर्दै आउट भएका थिए । टस हारेर पहिले ब्याटिङ गरिरहेको एमसीसीलेका लागि उनले ७३ रन पूरा गरेका थिए । उनलाई सोमपालले व्यक्तिगत दोस्रो विकेटको रुपमा बोल्ड आउट गराए । त्रिवि क्रिकेट मैदानमा भएको खेलमा एमसीसीले ३० ओभरको खेल सकिँदा १०० रन पूरा गरेको थियो ।

एमसीसीका लागि बिल्ली गोडलमनले १० रन बनाएर पहिलो विकेटको रुपमा आउट भएका थिए । उनलाई सोमपाल कामीले ८ ओभर १ बलमा क्याच आउट गराएका थिए । सोमपालको बलमा ललितराजबंशीले क्याच गरेका थिए । गोल्डमन १० रन बनाएर आउट भएका थिए ।

एमसीसीका लागि टोम विस्टली ३९ रन बनाएर आउट भए । उनलाई शरद भेषवाकरले एलबीडब्लु आउट गराएका हुन । एमसीसीका लागि चौथो नम्बरमा ब्याटिङ गर्न आएका माइल्स हामोन्डले पनि अर्धशतक पूरा गरेका आउट भएका थिए । ५२ रन बनाएका उनलाई शरद भेषवाकरले बोल्ड आउट गरेका हुन् । त्यस्तै पाँचौ नम्बरमा ब्याटिङ गर्न आएका विल भेन्डास्परले ३७ रन बनाइसकेका छन् भने एडी योङले १५ रन बनाएका छन् ।