बीरगंज । ब्रह्मकुमारी राजयोग सेवा केन्द्र बीरगंज छपकैयाको आयोजनामा श्री कृष्ण जन्माष्टिमको पावन अवसरमा सत्युगी दुनियाको चैतन्य झाँकी तथा प्रवचण कार्यक्रम सम्पन्न भएको छ । कार्यक्रमका प्रमुख अतिथि बीरगंज उद्योग बाणिज्य संघका अध्यक्ष सुबोद गुप्ताले दिप प्रजवलीत गर्दै यस संस्थाको लागि आफु सँधै अभारी रहने बताउनु भएको छ ।

वहाँले यस राजयोग सेवा केन्द्र आफुलाई प्रमुख अतिथीको स्थान दिएकोमा एउटा ऋणको रुपमा लिएको र आउने दिनमा आफुद्वारा चुक्ता गर्ने प्रयास गरिने बताउनु भयो । अध्यक्ष गुप्ताले यस्तो ठाँउमा आउनका लागि इश्वरको इच्छा भएर पनि आउन सकिदैन र यहाँ जतिपनि बसेका स्नेही आत्माहरु छन उहाँमाथि श्री कृष्ण र माता राधीकाको बिशेष कृपा रहेको आफुलाई लागेको बताउनुभयो । वहाँले जबसम्म हामीहरु अरु संग फरक नभए सम्म ईश्वर संग मागेर पनि सबै कुरा नपाउने बताउनु भयो ।

साथै अध्यक्ष गुप्ताले यस्तो झाँकीबाट समाजमा एउटा राम्रो सन्देश जाने बताउनु भयो । ब्रह्मकुमारी राजयोग सेवा केन्द्र बीरगंजकी संचालिका रविणा दिदीको अध्यक्षतामा आयोजित कार्यक्रममा निजगढ नगरपालिका मेयर सुरेश खनाल, डा.अजय यादव, मुख्य प्रशिक्षक राजु घले भाइ, ब्रह्मकुमार ताजु भाइ, मणि भाइ, बेलि बहन, गोबर्धन भाई, सन्चारकर्मी लगायत स्थानीयहरुको उपस्थिति रहेको थियो ।