प्यास अँखियन के समंदर का बताई,

छल हवा कइलख बवंडर का बताई।

हाथ  के  लेखा  मिटाके देख लिहनी,

दुख गरीबन  के  मुकद्दर  का बताई।

मुफ़लिसी मे हित छुटल सभि दूर गइले,

मूर्ति  बा  चुपचाप  पत्थर  का  बताई।

खूब महफ़िल में सजेला रूप सूनर,

सादगी  के  दर्द भीतर   का  बताई।

रोज तहरा से मिली रचके बहाना,

प्यार से अब  सून बा घर का बताई।

जे फकीरी कर रहल ऊ मस्तमौला,

सुख रवानी के कलंदर  का बताई।

मौत आपन के भइल दुश्मन बनाके,

खून  के  अब जात  खंजर का बताई।

अनीताशाह, नेपाल।