बीरगन्ज । नेपाल रेडक्रस सोसाइटी रक्तसञ्चार केन्द्र पर्सालाई बीरगन्ज महानगरपालिकाबाट ३५० युनिट ब्लड भण्डारण क्षमता भएको रु.४,७५,००० मुल्य पर्ने रेफ्रीजरेटर हस्तान्तरण गरिएको छ ।
नेपाल रेडक्रस सोसाइटी पर्साका सभापति बिरेन्द्र राज कंडेललाई बीरगन्ज महानगरपालिकाका नगरप्रमुख बिजय कुमार सरावगीले सो रेफ्रीजरेटर हस्तान्तरण गरेका हुन।
बिगतको लामो समय देखिनै नेपाल रेडक्रस एवं रक्तसञ्चार केन्द्रलाइ फ्रीज, जेनेरेटर, सर्भर, अनलाइन युपियस, नया भवनको लागि जग्गा, साथै आफ्नो स्व.पिताको नामले कोठा निर्माण गर्ने प्रतिबद्धता समेत जनाएको कुरा निकै स्रहानिय रहेको भन्दै सभापतिले नगरप्रमुख ज्युलाइ धन्यवाद ब्यक्त गरेका हुन ।
महानगरप्रमुख सरावगीले रेडक्रस जस्ता स्वच्छ संस्थालाई मेरो स्व.पिताले सहयोग गर्दै आएका थिए साथै आजिवन म बाट हुन सक्ने सहयोग रक्तसञ्चार केन्द्रलाइ उपलब्ध गराउने कुरा सहभागीहरु बिच जानकारी गराए ।
ब्लड बैंक रेफ्रीजरेटर हस्तान्तरण कार्यक्रममा रेडक्रसका उपसभापति श्रीमती मधु राणा, महानगरका कार्यकारी अधिकृत प्रदिप निरौला, जनस्वास्थ्य महाशाखा प्रमुख अरुण महतो, महानगरका प्रेस सल्लाहकार गोबिन्द देवकोटा, कोषाध्यक्ष महन्थ प्रसाद यादव, उपमन्त्री साबिर अहम्मद एराज, शाखा अधिकृत उदय राज शर्मा, सौरभराज पाण्डे, मुकेस गुप्ता, पिन्टु उपाध्याय लगायतको उपस्थिति रहेको रेडक्रस पर्साका राजन श्रीवास्तवले बताए ।
