पर्सा | संघीय मामिला तथा सामान्य प्रशासन मन्त्री माननीय राजकुमार गुप्ताज्यू र उद्योग वाणिज्य क्षेत्रका अग्रज प्रतिनिधिबीच एक महत्वपूर्ण भेटघाट तथा अन्तरक्रिया कार्यक्रम आज वीरगञ्जस्थित होटल लर्डस दियालोमा सम्पन्न भयो।
सङ्घका अध्यक्ष श्री हरिप्रसाद गौतमज्यूको अध्यक्षतामा आयोजित कार्यक्रममा पर्सा जिल्लाका प्रमुख उद्योगी, व्यवसायी तथा पूर्व प्रतिनिधिहरूको उल्लेखनीय उपस्थिति रहेको थियो। कार्यक्रममा सङ्घका पूर्वअध्यक्ष तथा संविधान सभा सदस्य माननीय ओमप्रकाश शर्माज्यू, पूर्वअध्यक्ष तथा वीरगञ्ज महानगरपालिकाका पूर्व नगरप्रमुख श्री विजयकुमार सरावगीज्यू, नेपाल उद्योग वाणिज्य महासङ्घ मधेश प्रदेशका अध्यक्ष तथा सङ्घका पूर्वअध्यक्ष श्री अशोककुमार टेमानीज्यू, पूर्वअध्यक्ष गणेशप्रसाद लाठज्यू, श्री प्रदीपकुमार केडियाज्यू, डा. सुबोधकुमार गुप्ताज्यू, निवर्तमान अध्यक्ष श्री अनिलकुमार अग्रवालज्यू लगायत वरिष्ठ पदाधिकारीहरूको उपस्थिति रहेको थियो।
सङ्घका वरिष्ठ उपाध्यक्ष श्री माधव राजपालज्यू, उपाध्यक्ष द्वय श्री मनोजकुमार दासज्यू र श्री आशिषकुमार लाठज्यू, महासचिव श्री शिवजीप्रसाद साहज्यू, कोषाध्यक्ष श्री अनोज रुँगटाज्यू, सचिव श्री प्रेमचन्द्र गोयलज्यू, सहसचिव श्री अनुप अग्रवालज्यू, पूर्व संविधानसभा सदस्य श्री विचारी यादवज्यू र एमालेका प्रतिनिधि श्री अरविन्द्र सिंहज्यू पनि कार्यक्रममा सहभागी थिए।
भेटघाट तथा अन्तरक्रिया कार्यक्रममा व्यवसायीक समस्या, प्रदेश तथा संघीय तहका समन्वयका विषयमा गहिरो छलफल भएको थियो। मन्त्री गुप्ताले व्यवसाय प्रवर्द्धन, स्थानीय शासन सुदृढीकरण तथा सहकार्यका लागि सरकार सधैं सकारात्मक रहेको बताए।
कार्यक्रमले निजी क्षेत्र र सरकारबीचको सहकार्यलाई थप सुदृढ बनाउने अपेक्षा गरिएको छ।
