महोत्तरी । महोत्तरीको बर्दिबासका सक्रिय पत्रकारहरु कोरोना संक्रमणमा परेको छन् ।बर्दिबास सरकारी अस्पतालमा कोरोना जाँच गराएपछि शनिबार आएको रिपोर्ट अनुसार कान्तिपुरका महोत्तरीको सम्वादाता सुनिता बरालमा कोरोना पुष्टि भएको छ ।

चार दिन अघि राष्ट्रिय समाचार समिति महोत्तरीका रिपोर्टर गोपाल प्रसाद बरालकोरोना संक्रमित भएका थिए । गत असोज १० गते अन्नपूर्ण पोस्ट्का पत्रकार राजकरण महतो पनि कोरोना संक्रमित भएका थिए । तीन दिन अगाडी अन्नपूर्णका पत्रकार महतो आफ्नो कोठामा १२ दिन आइसुलेसन बसेर कोरोना जितिसकेका छन् ।

साउन महिनामा न्यूज २४ का महोत्तरी सम्वादाता ललन कुमार मण्डल कोरोना संक्रमति भएका थिए ।पत्रकार मण्डल पनि कोरोना मुक्त भएर काममा फर्किसकेका छन् । पछिल्लो समय कोरोनाबाट संक्रमित भएका कान्तिपुर र राससका पत्रकार सुनिता र गोपाल आफ्नै घरको आइसुलेसनमा बसेका छन् ।

भरखरै पत्रकार सुनिताले आफ्नो फेसबुकमा स्टाटस लेख्दैं आफू कोरोना संक्रमित भएको बताएकी छिन् । उनले भनेकी छिन्,‘४ दिनदेखि स्वास्थमा देखिएको ९समस्या —संकेत र लक्षण० पछि जाँंच गराएको स्वाब परिक्षणको रिपोर्ट शनिबार कोरोना पोजेटिभ आएको छ ।

स्वास्थ अवस्था प्रतिकुल भएकै कारण मेरो स्वास्थ्यप्रति चासो राख्दै बारम्बार फोन गरिराख्ने सबैप्रती आभारी छु । मेरो आसपास भएकै कारण त्रासमा हुनुभएका सबैलाई सचेत रहन आग्रह गर्छु ।आत्तिएको छैन,बरु वास्ता र चासो राख्दै आएका फोनले उर्जा मिलेको छ ।’