बहुप्रतिक्षित कम्पनी फेसबुकले २०२० को लागि डिजिटल मुद्रा (क्रिप्टोकरेन्सी लिब्रा) विश्वव्यापी रुपमा लन्च गर्ने भएको छ

फेसबुकले लिब्रालाई प्रयोगकर्ताहरुको लागि सहज वातावरण सिर्जना गर्न इजरायलको कम्पनी सर्विसफ्रेन्डसँग सहकार्य गरेर फेसबुकको लागि आर्टिफिशियल इन्टेलिजेन्स टेकनिकबाट तयार गरिने बताइएको छ ।

सर्विसफ्रेन्ड हाइब्रिड बान्ट आर्किटेक्चर बनाउनको लागि परिचित छ । यस प्रविधिको माध्यमबाट लिब्राको विषयमा प्रयोगकर्ताहरुलाई जागरुक बताइन्छ ।

के हो लिब्रा (डिजिटल मुद्रा) ? 

फेसबूकले आगामी वर्षदेखि प्रचलनमा ल्याउन खोजेको विश्वव्यापी डिजिटल मुद्रा हो, लिब्रा । डिजिटल मुद्रा भन्नाले नोट या सिक्का जत्तिकै मूल्य हुने तर इन्टरनेट मार्फत मात्रै कारोबार गर्न सकिने पैसा हो ।

यो डिजिटल पैसा मेसेन्जर, ह्वाट्सएप जस्ता एप प्रयोग गरी छिनभरमै विश्वको जुनसुकै कुनामा पठाउन र पाउन सकिनेछ, त्यो पनि लगभग शून्य खर्चमा । हामीले रकम ब्याङ्क खातामा राखे झैं लिब्रा राख्न फेसबूकले आगामी वर्ष छुट्टै एप सार्वजनिक गर्ने तयारी गरेको छ ।

लिब्रा ‘ओपन सोर्स’ डिजिटल मुद्रा भएकाले अन्य कम्पनीहरूले समेत लिब्रा राख्ने छुट्टै एप बनाउन सक्नेछन् । त्यसपछि मेसेन्जर या ह्वाट्सएपसँग जोडेर अर्को त्यस्तै प्रयोगकर्तालाई लिब्रा पठाउन या पाउन सकिनेछ । अर्थात्, विश्वभरि यही एउटा मुद्रा चल्नेछ ।

स्थानीय मुद्रालाई लिब्रामा र लिब्रालाई स्थानीय मुद्रामा साटफेर समेत गर्न मिल्ने फेसबूकले जनाएको छ । यी विशेषताका आधारमा लिब्रा र अहिलेको चर्चित, महँगो क्रिप्टोकरेन्सी बिटक्वाइन लगभग उस्तै हुन् । बिटक्वाइनको मूल्य तल–माथि भइरहन्छ, तर लिब्रा त्यसो नहुने फेसबूक बताउँछ ।

बिटक्वाइनलाई नियमन गर्ने कुनै नियमनकारी निकाय नभएका कारण त्यसमा ठगी हुनसक्ने सम्भावना पनि हुन्छ । लिब्रालाई भने एउटा ‘रिजर्भ फण्ड’ ले निरन्तर अनुगमन गर्नेछ ।

फेसबूकले करीब चार वर्षअघि पनि डिजिटल तरिकाले भुक्तानी गर्ने प्रविधिको परीक्षण गरेको थियो । तर कुनै ब्याङ्कको खातासँग जोडेर चलाउनुपर्ने अन्य भुक्तानी प्रविधि जस्तै बनाइएकाले त्यो सफल हुन सकेन ।

लिब्रा चलाउन भने प्रयोगकर्ताले ब्याङ्क खाता खोल्नुपर्दैन । मोबाइल फोन रिचार्ज गरे जस्तै ‘लिब्रा वालेट’ रिचार्ज गर्न र ब्याङ्कमा भएको आफ्नो रकम सहजै लिब्रामा परिणत गर्न सकिनेछ ।
।